امەريكالىق كومپانيانىڭ زىمىرانى اسپاندا جارىلدى

Spaceflight Now قىزمەتىنىڭ مالىمەتىنشە، جارىلىس ۇشقاننان كەيىن 2،5 مينۋتتان سوڭ بولعان.

امەريكالىق Firefly Aerospace كومپانياسىنىڭ Alpha زىمىرانى ۇشىرىلعاننان كەيىن بىرنەشە مينۋتتان سوڭ جارىلدى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ. 

«كوتەرىلۋدىڭ ءبىرىنشى كەزەڭىندە اۋىتقۋلار پايدا بولدى، بۇل زىمىراننىڭ جارىلۋىنا اكەلدى. قوسىمشا اقپارات جينالعاندا حابارلانادى»، - دەلىنگەن Firefly Aerospaceء-تىڭ Twitter-دەگى حابارلاماسىندا.

Spaceflight Now قىزمەتىنىڭ مالىمەتىنشە، جارىلىس ۇشقاننان كەيىن 2،5 مينۋتتان سوڭ بولعان.
اقش-تىڭ عارىش كۇشتەرى «ۆاندەنبەرگ» اسكەري-اۋە كۇشتەرىنىڭ بازالارى Firefly Aerospace امەريكالىق كومپانياسىنىڭ Alpha زىمىرانىن ۇشىرۋدى قاشىقتان اياقتاعانىن مالىمدەدى. بۇل تۋرالى اسكەري بازانىڭ سايتىندا حابارلاندى.

«ۆۆس Space Launch Delta 30 اۋە كۇشتەرى تىنىق مۇحيتى ۋاقىتى بويىنشا 19.01-دە Firefly Aerospace Alpha زىمىرانىن ۇشىردى، ول 2 قىركۇيەكتە 18.59-دا عارىشتىق كۇشتەر بازاسىندا 2-عارىشتىق ۇشىرۋ كەشەنىنەن شىقتى»، - دەلىنگەن حابارلامادا.

وقيعا سالدارىنان ەشكىم زارداپ شەككەن جوق. اسكەريلەر جاقىن ارادا ماماندار وقيعانىڭ سەبەپتەرىن انىقتاۋ ءۇشىن جينالىس وتكىزەتىنىن اتاپ ءوتتى.
2020 جىلدىڭ 20 قىركۇيەگىندە Firefly Aerospace كومپانياسى زىمىراننىڭ ءبىرىنشى ساتىسىن جەردە سىناقتان وتكىزدى. Alpha زىمىرانىنىڭ ستاتيكالىق سىناقتارى 18 تامىزدا ءساتتى وتكەنى حابارلاندى.