كەيننىڭ وزگەشە قيمىلى ستارشيناعا سەزىك تۋدىرعان.
الماتىداعى ۇلتتىق ۇلانعا قاراستى 3650 اسكەري ءبولىمىنىڭ كۇزەتىندە تۇرعان يادرولىق فيزيكا ينستيتۋتى اۋماعىنا تىيىم سالىنعان زاتتىڭ ءوتىپ كەتۋىنە جول بەرىلمەدى، دەپ حابارلايدى Almaty-akshamy.kz .
وقيعا قالاي وربىگەنىن باياندايدى. وقيعا بىلاي بولعان ەدى. جاۋىنگەرلىك قىزمەتتە تۇرعان كينولوگيا قىزمەتى بولىمشەسىنىڭ باستىعى ستارشينا باۋىرجان قۇربانعالييەۆ مەملەكەتتىك ماڭىزعا يە نىسانعا كىرەتىن كولىكتەردى باقىلاۋ پۋنكتىنە كەلگەن «سۋبارۋ» ماركالى اۆتوكولىكتى تەكسەرە باستايدى. تەكسەرۋ بارىسىندا جەتەگىندەگى كەين اتتى قىزمەتتىك ءيتى ءوزىنىڭ ارەكەتى ارقىلى الگى كولىكتى مۇقيات قاراپ شىعۋ كەرەكتىگىن ۇقتىرادى. جارىلعىش زاتتاردى ىزدەۋگە ماشىقتانعان كەيننىڭ وزگەشە قيمىلى ستارشيناعا سەزىك تۋدىرادى. ول كولىكتىڭ ارتقى جاعىنا بارىپ، جۇك سالاتىن بولىگىندە تىيىم سالىنعان زاتتىڭ بارىن كورسەتەدى.
ستارشينا باۋىرجان قۇربانعالييەۆ دەرەۋ قاراۋىل باستىعىنا حابار بەرەدى.
باقىلاۋ-وتكىزۋ پۋنكتىنە جەدەل جەتكەن رەزەرۆتىك توپ وفز جانە رەجيم قىزمەتكەرلەرىنىڭ كوزىنشە اۆتوكولىكتى مۇقيات قاراپ شىعادى. تەكسەرۋ بارىسىندا سالماعى 30 گرامم بولاتىن جارىلعىش زاتقا ۇقساس نارسە تابىلعان.
مىنە، مەملەكەتتىك ماڭىزعا يە ىرگەلى نىسان سەنىمدى قولدا.