تەننيستەن قازاقستاننىڭ قۇراماسى اۋستراليادا ءوتىپ جاتقان ارالاس كوماندالار اراسىنداعى United Cup ءتۋرنيرىنىڭ شيرەك فينالىنا ءبىرىنشى ورىنمەن شىقتى.
ەسكە سالا كەتەيىك، ءبىزدىڭ قۇراما س توبىنا تۇسكەن ەدى. ءبىرىنشى كەزدەسۋدە قازاقستاندىق تەننيسشىلەر يسپانيانى 2:1 ەسەبىمەن جەڭدى، دەپ حابارلايدى aqshamnews.kz ۇلتتىق وليمپيادا كوميتەتىنە سىلتەمە جاساپ.
ەكىنشى ماچتا قازاقستانعا قارسىلاس رەتىندە گرەكيا شىقتى. الەكساندر شيەۆچەنكو الەمنىڭ 11-راكەتكاسى ستەفانوس سيسيپاستى 6:4، 7:6 ەسەبىمەن جەڭدى.
كەيىننەن ەلەنا رىباكينا ماريا ساككاريدى 6:4، 6:3 ەسەبىمەن ۇتىپ، قازاقستاندى مەرزىمىنەن بۇرىن شيرەك فينالعا شىعاردى. گرەكياعا قارسى ماچتاعى ءۇشىنشى ويىن تۋرنيرلىك ماڭىزعا يە بولمايدى.
ايتا كەتەيىك، ءبىزدىڭ قۇراما پلەي-وفف كەزەڭىنە ءبىرىنشى ورىنمەن شىقتى.
كەلەسى قارسىلاس كەيىنىرەك انىقتالادى.