اسكەري -تەحنيكالىق ىنتىماقتاستىق ماسەلەلەرى بويىنشا تىڭعىلىقتى ديالوگ بولدى
تمد-عا قاتىسۋشى مەملەكەتتەر قورعانىس مينيسترلەرى كەڭەسىنىڭ وتىرىسى شەڭبەرىندە ماسكەۋدە قازاقستان قورعانىس ۆەدومستۆوسىنىڭ باسشىسى گەنەرال-پولكوۆنيك رۋسلان جاقسىلىقوۆ رەسەيلىك ارىپتەسى ارميا گەنەرالى سەرگەي شويگۋمەن كەزدەستى، دەپ حابارلايدى Almaty-akshamy.kz.
كەزدەسۋ بارىسىندا قازاقستان مەن رەسەيدىڭ اسكەري سالاداعى ەكىجاقتى ىنتىماقتاستىعىنىڭ قازىرگى جاي-كۇيى تالقىلاندى.
«كادرلاردى دايارلاۋ، جاۋىنگەرلىك دايارلىقتىڭ بىرلەسكەن ءىس-شارالارىن وتكىزۋ، اسكەري-تەحنيكالىق ىنتىماقتاستىق ماسەلەلەرى بويىنشا تىڭعىلىقتى ديالوگ بولدى. تاراپتار ورتالىق ازيا وڭىرىندەگى سىن-تەگەۋرىندەر مەن قاۋىپ-قاتەرلەرگە قاتىستى پىكىر الماستى»، - دەلىنگەن مينيسترلىك مالىمەتىندە.