قالا اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن وتكەن ەسەپتىك كەزدەسۋدە اۋداننىڭ ەكونوميكالىق كورسەتكىشتەرى تۋرالى ايتىپ بەردى.
كەزدەسۋدى اشقان قالا باسشىسى تاريحي تىعىز قونىستانعان اۋەزوۆ اۋدانىندا بيزنەس-ورتانىڭ بەلسەندى دامىپ كەلە جاتقانىن اتاپ ءوتتى. ينۆەستيسيالار وتكەن جىلدىڭ سايكەس كەزەڭىمەن سالىستىرعاندا 11%- عا ءوسىپ، 37،4 ملرد تەڭگەگە جەتتى، دەپ حابارلايدى almaty-akshamy.kz.
سالىق تولەمدەرى 137 ملرد تەڭگەگە جەتتى، ياعني 39%. تەك جارتى جىلدىڭ ىشىندە 3 مىڭنان استام جاڭا تۇراقتى جۇمىس ورنى اشىلدى.
بيىل اۋدان بيۋدجەتى 10 ملرد تەڭگەگە، ال 2023 جىلى 26 ملرد تەڭگەگە ۇلعايعان ەدى. 2024 جىلعى ماۋسىمدا بيۋدجەت تاعى 25%-عا ۇلعايىپ، 45 ملرد تەڭگەنى قۇرادى.
«بيۋدجەت قاراجاتى ينجەنەرلىك جانە جول ينفراقۇرىلىمىن دامىتۋعا، سونداي-اق قوعامدىق كەڭىستىكتەردى جايلاستىرۋ جونىندەگى جوبالاردى ىسكە اسىرۋعا باعىتتالادى»، - دەدى الماتى اكىمى.