اۋەزوۆ اۋدانىن اباتتاندىرۋ ءبىزدىڭ باستى نازارىمىزدا - دوسايەۆ
بۇگىن الماتى اكىمى ەربولات دوسايەۆ اۋەزوۆ اۋدانى تۇرعىندارىمەن كەزدەستى، دەپ حابارلايدى Almaty-akshamy.kz
اۋلا اۋماقتارىن كۇردەلى جوندەۋ اياسىندا اۋدانداعى 161 اۋلادا قۇرىلىس-مونتاجداۋ جۇمىستارى جۇرگىزىلۋدە. بۇگىنگى تاڭدا 118 اۋلادا جۇمىستار اياقتالدى، قالعان 43 اۋلا وسى جىلدىڭ قاراشا ايىنىڭ سوڭىنا دەيىن اياقتالادى (19 اۋلا (9،10، جەتىسۋ-1 شاعىن اۋداندارى) قازان ايىندا جانە 24 اۋلا (7،12 شاعىن اۋدانى) – قاراشا ايىندا).
سونىمەن قاتار، 58 اۋلادا اعىمداعى جوندەۋ جۇمىستارى باستالدى (1،2، اكساي-1،2،3ب،4 شاعىن اۋدانى، مەردىگەر – «GSA» ج ش س). تولىق اياقتالۋى بيىلعى جىلدىڭ قازان ايىنىڭ سوڭىنا جوسپارلانۋدا.
«تۇرعىن ۇي-كوممۋنالدىق شارۋاشىلىقتى جاڭعىرتۋ باعدارلاماسى اياسىندا 12 ۇيدە شاتىر مەن ينجەنەرلىك جەلىلەر جوندەلدى. 10 ۇيدەگى 15 ليفت اۋىستىرىلدى. قالعان 15 ءۇيدى جوندەۋ جانە 17 ۇيدەگى 70 ءليفتىنى اۋىستىرۋ وسى جىلدىڭ قاراشا ايىنىڭ سوڭىندا اياقتالادى.
قوعامدىق كەڭىستىكتەردى ودان ءارى دامىتۋ ماقساتىندا اقساي-4 شاعىن اۋدانىنداعى سكۆەردى اباتتاندىرۋدى جوسپارلاپ وتىرمىز (22،2 ملن. تگ. ءبولىندى). جوبالاۋ-سمەتالىق قۇجاتتاما مەملەكەتتىك ساراپتامادان وسى جىلدىڭ قاراشا ايىندا شىعادى دەپ كۇتىلۋدە. سونداي-اق، 11 قوعامدىق كەڭىستىك بويىنشا جوبالاۋ-سمەتالىق قۇجاتتامانى ازىرلەۋ اياقتالۋدا. مەملەكەتتىك ساراپتاما وسى جىلدىڭ قازان ايىندا شىعادى دەپ كۇتىلۋدە. قۇرىلىس-مونتاجداۋ جۇمىستارى 2024 جىلدىڭ IIء-شى توقسانىندا باستالىپ، IV توقساندا اياقتالادى»، - دەدى قالا اكىمى ەربولات دوسايەۆ.
انىقتاما ءۇشىن: 11 جوبانىڭ ىشىندە تۇرعىندارعا ارنالعان سپورت الاڭدارىن، اعا بۋىنعا ارنالعان ترەناجەر سناريادتارىن سالۋ، جەتىسۋ-1 جانە 3 شاعىن اۋداندارىندا كوگالداندىرۋ مەن ورىندىقتار ورناتۋدى كوزدەيتىن جوبا بار.