مەكتەپ تاپشىلىعىن ازايتۋ اكىمدىكتىڭ ەرەكشە باقىلاۋىندا.
«جايلى مەكتەپ» ۇلتتىق جوباسى اياسىندا بۇزىلعان №97 مەكتەپتىڭ ورنىندا 600 ورىندىق جاڭا مەكتەپتىڭ قۇرىلىسى باستالدى، دەپ حابارلايدى Almaty-akshamy.kz
قۇرىلىستى 2024 جىلدىڭ سوڭىنا دەيىن اياقتاۋدى جوسپارلاپ وتىرمىز.
№72 مەكتەپتى بۇزىپ، قۋاتى 1200 ورىنعا جەتەتىن (قۋاتى 380-دەن 1200 ورىنعا دەيىن ۇلعايتۋ) جاڭا عيمارات سالۋ ءۇشىن وسى جىلدىڭ سوڭىنا دەيىن 5 جەر ۋچاسكەسىن ساتىپ الۋ، 10 ۋچاسكەنى قوسۋ ارقىلى مەكتەپتىڭ قازىرگى اۋماعىن كەڭەيتۋ جوسپارلانۋدا (پروبلەمالىق كرەديتتەر قورى 10 ۋچاسكەنى مەملەكەتتىك اكتيۆتەر باسقارماسىنا بەردى، 5 ۋچاسكەنى ساتىپ الۋ اياقتالعاننان كەيىن جەر قاتىناستارى باسقارماسىنىڭ جەلىسى بويىنشا ۋچاسكەلەر 1 مەملەكەتتىك اكتىگە بىرىكتىرىلەدى). جوبالاۋ-سمەتالىق قۇجاتتامانى ازىرلەۋ 2024 جىلدىڭ Iء-شى توقسانىندا باستالادى.
سونداي-اق 2024 جىلدىڭ Iء-شى توقسانىندا «Everest Development» كومپانياسى №104 مەكتەپكە (2-شاعىن اۋدان، 59ء-ۇي) 400 وقۋشى ورىندىق قوسىمشا قۇرىلىس سالۋدى باستايدى.
2 مەكتەپتى بۇزىپ (№13 مەكتەپ-گيمنازيا، 860 ورىن؛ №158 مەكتەپ، 620 ورىن)، ولاردىڭ ورنىندا ءارقايسىسى 1 200 وقۋشى ورنىن قۇرايتىن 2 جاڭا مەكتەپ سالۋ (بارلىعى 2400 ورىن) ماسەلەسى پىسىقتالۋدا. بيىلعى جىلدىڭ سوڭىنا دەيىن جوبالاۋ-سمەتالىق قۇجاتتامانى ازىرلەۋگە كىرىسۋدى جوسپارلاپ وتىرمىز.
تالداۋ قورىتىندىسى بويىنشا 2 مەكتەپ انىقتالدى، ولارعا 700 وقۋشى ورىندىق قوسىمشا قۇرىلىس سالۋدى جوسپارلاپ وتىرمىز.
№ 1 مەكتەپ بويىنشا 400 ورىندىق قوسىمشا قۇرىلىستىڭ جوبالاۋ-سمەتالىق قۇجاتتاماسى 2024 جىلدىڭ Iء-شى توقسانىندا باستالىپ، قازان ايىندا اياقتالادى.
№42 مەكتەپ بويىنشا 300 ورىندىق قوسىمشا قۇرىلىستىڭ جوبالاۋ-سمەتالىق قۇجاتتاماسى شىلدە ايىندا باستالدى. مەملەكەتتىك ساراپتامادان كەيىن 2024 جىلدىڭ مامىر ايىندا اياقتالادى دەپ جوسپارلانۋدا.
بۇدان باسقا «تاۋگۇل-3» شاعىن اۋدانىندا 350 ورىندىق «Zerdesh» جەكە مەنشىك مەكتەبىن اشۋ ءۇشىن عيماراتتى رەكونسترۋكسيالاۋ جۇمىستارى جۇرگىزىلۋدە. جۇمىستاردى قاراشا ايىندا اياقتاۋ جوسپارلانۋدا.
سونداي-اق №141 جانە №127 مەكتەپتەردى سەيسميكالىق كۇشەيتىپ، كۇردەلى جوندەۋ اياقتالدى.