بۇل تۋرالى الماتى قالاسىنىڭ اكىمى ە.دوسايەۆتىڭ اۋەزوۆ اۋدانىنىڭ تۇرعىندارىمەن كەزدەسۋىندە ايتىلدى، دەپ حابارلايدى اlmaty-akshamy.kz.
وتكەن جىلى اقپان ايىندا "اقساي-2" شاعىناۋدانىنىڭ تۇرعىندارى سكۆەردى (تولە بيدەن مارعۇلان كوشەسىنە دەيىن) جوندەۋدى سۇراعان. قازىرگى تاڭدا سكۆەر زاماناۋي قالالىق ديزايننىڭ جاڭا ستاندارتتارىنا سايكەس اباتتاندىرىلدى جانە تۇرعىندار ءۇشىن جاڭا دەمالىس ورنىنا اينالدى.
بۇگىندە اۋداننىڭ 5 ماگيسترالدى كوشەسى، ياعني جاندوسوۆ، مومىش ۇلى، ساين، تولە بي كوشەلەرى مەن اباي داڭعىلىنداعى جاياۋ جۇرگىنشىلەر كەڭىستىگىنىڭ اۋماعىن وزگەرتۋ جوبالارى بويىنشا جوبالاۋ-سمەتالىق قۇجاتتاما ازىرلەنىپ، ساراپتاماعا جىبەرىلۋدە. وسى جىلدىڭ شىلدە ايىندا جوبالار مەملەكەتتىك ساراپتامادان شىعادى دەپ كۇتىلۋدە.
"تاۋگۇل" شاعىناۋدانىندا بوس دەمالۋ ورىندارىنىڭ بولماۋىنا بايلانىستى كولىك قوزعالىسىن شەكتەۋ ارقىلى شالوۆ بۋلۆارىن زاماناۋي جاياۋ جۇرگىنشىلەر ايماعى رەتىندە جايلاستىرۋعا جوبالاۋ-سمەتالىق قۇجاتتاما ازىرلەندى (ۇزىندىعى - 660 م، اۋدانى – 3،7 گا). بۇگىنگى كۇنى جوبا ساراپتامادان ءوتىپ جاتىر. ساراپتامادان شىعۋ مەرزىمى – وسى جىلدىڭ ناۋرىز ايىنىڭ سوڭى. جۇمىستى مامىر ايىندا باستاپ، جىلدىڭ سوڭىنا دەيىن اياقتاۋ كوزدەلىپ وتىر.