تۇرعىن ۇي-كوممۋنالدىق شارۋاشىلىقتى دامىتۋ
2022 جىلى الماتى اكىمى ەربولات دوسايەۆتىڭ تاپسىرماسىمەن 167 اۋلا اۋماعىن جوندەۋ جۇمىستارى باستالدى. بۇل تۋرالى قالا باسشىسى اۋەزوۆ اۋدانى تۇرعىندارىمەن وتكەن كەزدەسۋدە ايتتى، دەپ حابارلايدى Almaty-akshamy.kz.
«ونىڭ ىشىندە، بۇگىنگى كۇنى 9 جانە 11-شاعىن اۋدانداعى 30 اۋلا اۋماعى تولىقتاي جوندەلدى. رەزەڭكە جابىندى توسەۋ كەزىندە اۋانىڭ تەمپەراتۋرالىق رەجيمىن ساقتاۋ قاجەت، سوندىقتان جەتىسۋ-1،2،3،4، №8،10-شاعىن اۋداندارداعى قالعان 137 اۋلانى وسى جىلدىڭ ماۋسىم ايىندا اياقتايمىز»، - دەدى شاھار باسشىسى ە.دوسايەۆ.
وسى جىلعى قاراشا ايىنىڭ سوڭىنا دەيىن №7 جانە 12-شاعىن اۋداندارداعى 24 اۋلانى دا قوسىمشا جوندەلەدى.
تۇرعىن ۇي-كوممۋنالدىق شارۋاشىلىقتى دامىتۋ باعدارلاماسى اياسىندا 2022 جىلى 40 ءۇيدىڭ جالپىعا ورتاق جەرى جوندەلىپ، اۋەزوۆ اۋدانىنداعى 108 ۇيدە 205 ليفت اۋىستىرىلدى.
«وسى باعىتتاعى جۇمىستى جالعاستىرامىز. بيىل اۋەزوۆ اۋدانىنداعى 12 ءۇيدىڭ شاتىرى، 8 ءۇيدىڭ ينجەنەرلىك جەلىلەرى جوندەلىپ، 32 ۇيدە 65 ليفت اۋىستىرىلادى»، - دەدى ە.دوسايەۆ.