بۇل تۋرالى الماتى قالاسىنىڭ اكىمى ە.دوسايەۆتىڭ اۋەزوۆ اۋدانىنىڭ تۇرعىندارىمەن كەزدەسۋىندە ايتىلدى، دەپ حابارلايدى اlmaty-akshamy.kz.
قوعامدىق كەڭىستىكتەردى ودان ءارى دامىتۋ ماقساتىندا 11 بوس ۋچاسكەنى اباتتاندىرۋ جوسپارلانعان. ونىڭ ىشىندە ءۇش ۋچاسكە (ناۋاي – جاندوسوۆ، وتەگەن باتىر – وتار، ساتبايەۆ -ششەپەتكوۆ) وسى جىلدىڭ قازان ايىنىڭ سوڭىنا دەيىن اباتتاندىرىلادى.
قالعان سەگىز ورىن بويىنشا وسى جىلدىڭ تامىز ايىنا دەيىن جوبالاۋ-سمەتالىق قۇجاتتاما ازىرلەنەدى. قۇرىلىس جۇمىستارىن 2024 جىلى جۇرگىزۋدى جوسپارلاپ وتىرمىز (رايىمبەك داڭعىلى بويىنشا - 3 ۋچاسكە، 7ء-شى شاعىناۋداندا – 1 ۋچاسكە، 12ء-شى شاعىناۋداندا – 1 ۋچاسكە، "جەتىسۋ-3" شاعىناۋدانىندا – 1 ۋچاسكە، ساين-جۇبانوۆ كوشەسىنىڭ قيىلىسىندا – 1 ۋچاسكە، ءمارعۇلان-سادۋاقاسوۆ كوشەسىنىڭ قيىلىسىندا - 1 ۋچاسكە).
وسى جىلدىڭ قازان ايىنا دەيىن ساين كوشەسىندەگى 4 جەراستى وتكەلى جوندەلەدى.
اۋداننىڭ بەس جەرۇستى وتكەلىن كۇردەلى جوندەۋ ءۇشىن جوبالاۋ-سمەتالىق قۇجاتتاما ازىرلەنۋدە. جوبا بويىنشا بەينەمونيتورينگ جۇيەلەرىنىڭ (بمج) كامەرالارىن ورناتۋ، قاقپاقتاردى اۋىستىرۋ جانە ليفتىلەر مەن پاندۋستاردى جوندەۋ جۇمىستارى قاراستىرىلعان. مەملەكەتتىك ساراپتامادان ءوتىپ، ازىرلەۋدى اياقتاۋ مەرزىمى – 2023 جىلدىڭ تامىزى. بۇل جەرۇستى جاياۋ جۇرگىنشىلەر وتكەلدەرىن كۇردەلى جوندەۋدى 2024 جىلدىڭ ناۋرىز ايىندا باستايمىز.