اۋدان مەكتەپتەرىندەگى ورىن تاپشىلىعى وزەكتى ماسەلەنىڭ ءبىرى.
وتكەن جىلى 1 725 ورىندىق №117 جانە 132 مەكتەپتەرگە ەكى قوسىمشا قۇرىلىس پايدالانۋعا بەرىلدى جانە 4ء-شى شاعىناۋداندا ءبىر «دوستىق» جەكە مەنشىك مەكتەبى (400 ورىن) اشىلدى، دەپ حابارلايدى Almaty-akshamy.kz.
اۋدان مەكتەپتەرىندە 5 مىڭنان استام (5 024) وقۋشى ورنى تاپشى (بۇل قالا بويىنشا جەتىسپەۋشىلىكتىڭ 17،8%-نا تەڭ).
«بيىل «جايلى مەكتەپ» ۇلتتىق جوباسى اياسىندا №97 مەكتەپ عيماراتىن بۇزىپ، ورنىنا 600 ورىندىق مەكتەپ قۇرىلىسىن باستاۋدى جوسپارلاپ وتىرمىز. بۇدان باسقا، جىلدىڭ سوڭىنا دەيىن 3،5 مىڭنان استام وقۋشى وقيتىن 4 مەكتەپتى سەيسميكالىق كۇشەيتۋ، كۇردەلى جوندەۋ جۇمىستارى اياقتالادى: №122 مەكتەپ – 2023 جىلعى اقپاندا، № 127 مەكتەپ – 2023 جىلعى قاراشادا، № 141 مەكتەپ – 2023 جىلعى شىلدەدە جانە «ءبىلىم يننوۆاسيا ليسەيى» – 2023 جىلعى ناۋرىز ايىندا جوندەلىپ بىتەدى»، - دەدى قالا اكىمى بۇگىنگى كەزدەسۋدە.