قالا باسشىسى اۋدان تۇرعىندارىنا ءوز جوسپارىن ايتتى.
الماتى اكىمى ەربولات دوسايەۆ اۋەزوۆ اۋدانىنداعى الەۋمەتتىك ينفراقۇرىلىم قالاي داميتىنىن جەتكىزدى، دەپ حابارلايدى Almaty-akshamy.kz.
«وقۋشى ورىندارى تاپشىلىعىن تومەندەتۋ ماقساتىندا 1 قىركۇيەكتە №117 جانە 132 مەكتەپتەرگە قوسىمشا سالىنعان 1 725 ورىندىق ەكى جاپسارجاي پايدالانۋعا بەرىلدى، سونداي-اق 4ء-شى شاعىناۋداندا 400 ورىندىق «دوستىق» جەكەمەنشىك مەكتەبى اشىلدى. الەۋمەتتىك جاۋاپكەرشىلىك شەڭبەرىندە قۇرىلىس سالۋشى Everest Development №104 مەكتەپكە 400 ورىندىق قوسىمشا قۇرىلىس سالۋ ءۇشىن جوبالاۋ-سمەتالىق قۇجاتتاما ازىرلەۋدە. قۇرىلىس-مونتاجداۋ جۇمىستارى 2023 جىلدىڭ II توقسانىنا جوسپارلانعان»، - دەدى ەربولات دوسايەۆ.
قالا باسشىسى اۋەزوۆ اۋدانىندا سالىنىپ جاتقان «City plus» جانە «بەلكاميت» تۇرعىن ءۇي كەشەندەرى جانىندا قۇرىلىس سالۋشى ("قازاقستروي") 1500 ورىندىق ەكى جاڭا مەكتەپ جانە 800 ورىندىق ەكى بالاباقشا سالۋدى جوسپارلاپ وتىرعىنىن جەتكىزدى.
«4 مەكتەپتە (№122، 127، 141، بيل، وسى مەكتەپتەگى جالپى ورىن سانى – 3 686) سەيسميكالىق كۇشەيتە وتىرىپ، كۇردەلى جوندەۋ جۇمىستارى جالعاسۋدا. جۇمىستار 2023 جىلدىڭ IV توقسانىندا اياقتالادى. مەكتەپكە دەيىنگى مەكەمەلەردە ورىن تاپشىلىعىن ازايتۋ ءۇشىن 280 ورىندىق ەكى مەملەكەتتىك بالاباقشا سالۋ جوسپارلانعان. "التىن بەسىك" شاعىناۋدانىنداعى 120 ورىندىق ءبىرىنشى بالاباقشا بويىنشا قاراشا ايىنىڭ سوڭىنا دەيىن جوبالاۋ-سمەتالىق قۇجاتتاما مەملەكەتتىك ساراپتامادان ءوتۋ ساتىسىندا. قۇرىلىس-مونتاجداۋ جۇمىستارىن 2023 جىلعى ءى توقساندا باستاۋ جوسپارلانۋدا. 10-شى شاعىناۋدانداعى 160 ورىندىق ەكىنشى بالاباقشا بويىنشا ايتسام، بيىلعى مامىر ايىندا قاراۋسىز قالعان بالاباقشا عيماراتى ساتىپ الىندى. عيماراتتى بۇزىپ، قۇرىلىس سالۋعا جوبالاۋ-سمەتالىق قۇجاتتاما ازىرلەۋ ءۇشىن 2023 جىلعا قاراجات كوزدەلەتىن بولادى. بيىل 348 ورىندىق 6 جەكە مەنشىك بالاباقشا اشىلدى»، - دەدى ەربولات دوسايەۆ.
سونىمەن قاتار قالا اكىمى ەمحانا قۇرىلىسىنا توقتالىپ كەتتى.
«الدىڭعى كەزدەسۋلەردە ايتقانىمداي، №18 ەمحاناعا ادامدار شامادان تىس كوپ تىركەلگەن. وسى ەمحانا جۇكتەمەسىن ازايتۋ ءۇشىن "مامىر-1" شاعىناۋدانىندا ءبىر اۋىسىمدا 200 ادامدى قابىلدايتىن وتباسىلىق-دارىگەرلىك امبۋلاتوريا سالىنۋدا (مەردىگەر ۇيىم – «شاح» ج ش س). بۇگىندە جۇمىستاردىڭ 35%-ى اياقتالدى، قۇرىلىستى 2023 جىلدىڭ I توقسانىندا ءبىتىرۋ جوسپارلانعان. سونداي-اق "قۋانىش" شاعىناۋدانىندا ءبىر اۋىسىمدا 300 ادام قابىلدايتىن №18 ەمحانانىڭ نەگىزگى عيماراتىن سالۋ جۇمىستارى جۇرگىزىلۋدە. جۋىردا ساتىپ الۋ ءۇشىن جەر ۋچاسكەسىنىڭ باعاسى شىعادى، ەندىگى ماسەلە – قۇنىن جەردىڭ يەسىمەن كەلىسۋ قاجەت»، - دەدى قالا اكىمى.