دەنساۋلىق ساقتاۋ
بۇگىن الماتى اكىمى ەربولات دوسايەۆ اۋەزوۆ اۋدانى تۇرعىندارىمەن كەزدەستى، دەپ حابارلايدى Almaty-akshamy.kz.
كەزدەسۋدە جاڭادان سالىنىپ جاتقان الەۋمەتتىك نىساندار جايى دا ءسوز بولدى.
«الدىڭعى كەزدەسۋلەردە ايتقانىمداي، 18ء-شى ەمحاناعا ادامدار شامادان تىس كوپ تىركەلگەن.
وسى ەمحانا جۇكتەمەسىن ازايتۋ ءۇشىن "مامىر-1" شاعىناۋدانىندا ءبىر اۋىسىمدا 200 ادامدى قابىلدايتىن وتباسىلىق-دارىگەرلىك امبۋلاتوريا سالىنۋدا. بۇگىندە جۇمىستاردىڭ 35%-ى اياقتالدى، قۇرىلىستى 2023 جىلدىڭ I توقسانىندا ءبىتىرۋ جوسپارلانعان»، - دەدى قالا اكىمى ە.دوسايەۆ.
سونداي-اق "قۋانىش" ىقشاماۋدانىندا ءبىر اۋىسىمدا 300 ادام قابىلدايتىن №18 ەمحانانىڭ نەگىزگى عيماراتىن سالۋ جۇمىستارى جۇرگىزىلۋدە. جۋىردا ساتىپ الۋ ءۇشىن جەر ۋچاسكەسىنىڭ باعاسى شىعادى، ەندىگى ماسەلە – قۇنىن جەردىڭ يەسىمەن كەلىسۋ قاجەت.