بۇگىندە 30 اۋلادا قۇرىلىس-مونتاجداۋ جۇمىستارى جۇرگىزىلىپ جاتىر.
الماتى قالاسى اۋەزوۆ اۋدانىنىڭ اكىمى سايران سايفەدەنوۆ وڭىرلىك كوممۋنيكاسيالار قىزمەتىنىڭ بريفينگى بارىسىندا جەرگىلىكتى اتقارۋشى ورگانداردىڭ كۇشىمەن جايلى قالالىق ورتا قۇرىلىپ، «حالىق قاتىساتىن بيۋدجەت» باعدارلاماسى ىسكە اسىرىلىپ جاتقانى تۋرالى ايتىپ بەردى.
«اۋدان تۇرعىندارىن تولعاندىراتىن ماسەلەلەردىڭ ءبىرى قوعامدىق كەڭىستىكتەردى، سونداي-اق اۋلا اۋماقتارىن اباتتاندىرۋ جانە دامىتۋ بولىپ تابىلادى. بۇل باعىتتا تۇرعىنداردىڭ ءومىر سۇرۋىنە، اۋداندى كوگالداندىرۋعا جايلى جانە قولايلى ورتا قۇرۋ بويىنشا كەشەندى شارالار جۇرگىزۋ جالعاسۋدا»، - دەدى اۋدان اكىمى س.سايفەدەنوۆ.
اۋداندا 966 اۋلا الاڭى بار (847 الاڭ اباتتاندىرۋعا جاتادى)، ونىڭ 656 الاڭى جوندەلدى. 2022 جىلدىڭ سوڭىنا دەيىن 191 اۋلا اۋماعىن كۇردەلى جوندەۋدى اياقتاۋ جوسپارلانىپ وتىر. بۇگىندە 9 جانە 11 شاعىناۋدانىندارداعى 30 اۋلادا قۇرىلىس-مونتاجداۋ جۇمىستارى جۇرگىزىلۋدە، ولار اعىمداعى جىلدىڭ قىركۇيەك ايىندا اياقتالادى.
قالعان شاعىناۋداندار بويىنشا (7،8،10،12، "جەتىسۋ–1،2،3،4")، بۇل 161 اۋلا كونكۋرستىق ءىس-شارالاردىڭ ناتيجەلەرى كۇتىلۋدە.
«حالىق قاتىساتىن بيۋدجەت» اياسىندا 2022 جىلى بارلىق ىرىكتەلگەن 23 جوبا بويىنشا 800 ملن. تەڭگە سوماسىنا قۇرىلىس-مونتاجداۋ جۇمىستارى جۇرگىزىلۋدە. بارلىق جوبالاردى جۇزەگە اسىرۋ اعىمداعى جىلدىڭ 1 قىركۇيەگىنە دەيىن اياقتالادى. ەسكە سالساق، كەلەسى جىلى تۇرعىنداردان 163 ءوتىنىش تۇسكەن. ءقازىر ولار اعىمداعى جىلدىڭ 29 تامىزىنا دەيىن جالعاساتىن قاراۋ ساتىسىندا»، - دەپ ايتتى س. سايفەدەنوۆ.
«حالىق ۇنىنە قۇلاق اساتىن مەملەكەت» تۇجىرىمداماسى اياسىندا تۇرعىنداردىڭ ۇسىنىسىنا سايكەس، قالا اكىمى ە. دوسايەۆتىڭ تاپسىرماسى بويىنشا قارجىلاندىرۋ ءبولىندى جانە بۇگىنگى كۇنى شاعىناۋداندا ساياباقتى اباتتاندىرۋ جۇمىستارى جۇرگىزىلۋدە. "اقساي-2" شاعىناۋدانىنداعى بارلىق جۇمىستاردى وسى جىلدىڭ قازان ايىندا اياقتاۋ جوسپارلانىپ وتىر.
اۋەزوۆ اۋدانىنىڭ اكىمى 2023-2024 جىلدارعا ارنالعان اباتتاندىرۋ جوسپارى تۋرالى دا ايتىپ بەردى.
«ءبىزدىڭ تۇرعىنداردىڭ باستاماسى بويىنشا التىنسارين داڭعىلىن قايتا جاڭارتۋ جوسپارلانۋدا. بۇگىنگى كۇنى اۋداننىڭ 6 ماگيسترالدى كوشەلەرى، ونىڭ ىشىندە التىنسارين داڭعىلى بويىنشا جاياۋ جۇرگىنشىلەر كەڭىستىگىن قايتا قۇرۋ بويىنشا جسق ازىرلەنۋدە»، - دەپ جالعاستىردى اۋدان اكىمى.
ولار مىنا مەكەنجايلاردا پايدا بولادى:
- اباي داڭعىلى، الماتى وزەنىنەن مومىش ۇلى كوشەسىنە دەيىن؛
- التىنسارين داڭعىلى، جاندوسوۆ كوشەسىنەن قابدولوۆ كوشەسىنە دەيىن؛
- تولە بي كوشەسى، سايران كولىنەن ياسساۋي كوشەسىنە دەيىن؛
- جاندوسوۆ كوشەسى، الماتى وزەنىنەن ساين كوشەسىنە دەيىن؛
- مومىش ۇلى كوشەسى، شالياپين كوشەسىنەن تولە بي كوشەسىنە دەيىن؛
- ساين كوشەسى، اباي داڭعىلىنان تولە بي كوشەسىنە دەيىن.
مەملەكەتتىك ساراپتامادان وتكەننەن كەيىن، 2023 جىلدىڭ سوڭىندا قۇرىلىس-مونتاج جۇمىستارىن باستاۋ جوسپارلانۋدا.
اعىمداعى جىلدىڭ قىركۇيەگىنە دەيىن ەكى قوعامدىق كەڭىستىكتى اباتتاندىرۋ بويىنشا جسق ازىرلەۋگە كونكۋرستىق ءىس-شارالاردى اياقتايمىز: شاعىناۋدانداعى جاياۋ جۇرگىنشىلەر ايماعى، "مامىر-1" جانە "اقساي-4" شاعىناۋداندارىنداعى سكۆەر.
«تاۋگۇل» شاعىناۋدانىندا قوعامدىق ورىنداردىڭ جەتىسپەۋشىلىگىن ەسكەرە وتىرىپ، 2023 جىلى كولىك قوزعالىسىن شەكتەۋ ارقىلى شالوۆ بۋلۆارىن زاماناۋي جاياۋ جۇرگىنشىلەر ايماعىنا اينالدىرۋدى باستايمىز. اعىمداعى جىلدىڭ سوڭىنا دەيىن مەملەكەتتىك ساراپتامادان ءوتىپ، جوبالىق-سمەتالىق قۇجاتتامانى ازىرلەۋ اياقتالادى»، - دەپ تولىقتىردى س. سايفەدەنوۆ.
سونداي-اق، اۋداندا قالا تۇرعىندارىنىڭ سۇيىكتى دەمالىس ورىندارىنىڭ ءبىرى بولىپ قالا بەرەتىن سايران كولى ورنالاسقان. بۇگىندە سايران سۋ قويماسىنىڭ ءتۇبىن مەحانيكالىق تازالاۋ بويىنشا جوبالىق-سمەتالىق قۇجاتتاما ازىرلەندى، تازالاۋ جۇمىستارىن اعىمداعى جىلدىڭ اياعىندا باستاۋ جوسپارلانۋدا.
سايران كولىن ىرگەلەس اۋماقتى اباتتاندىرۋمەن ترانسفورماسيالاۋ ءۇشىن جوبالىق-سمەتالىق قۇجاتتاما ازىرلەنۋدە. 2023 جىلدىڭ II توقسانىندا يگەرۋ اياقتالعاننان كەيىن جوندەۋ جۇمىستارى باستالادى.
اۋدان اكىمى كوگالداندىرۋ سۇراقتارىنا بولەك توقتالدى. بيىل اۋدان بويىنشا 1146 ءتۇپ اعاش كوشەتى وتىرعىزىلدى. 2000 اعاشقا سانيتارلىق كەسۋ جۇمىستارى جۇرگىزىلدى، 150 اپاتتى اعاشتار جويىلدى.