ول دەنساۋلىق ساقتاۋ، ءبىلىم بەرۋ جانە جايلى ورتا قۇرۋعا قاتىستى وزەكتى ماسەلەلەردى كوتەردى.
بۇگىن الماتى قالاسى اۋەزوۆ اۋدانىنىڭ اكىمى سايران سايفەدەنوۆ وڭىرلىك كوممۋنيكاسيالار قىزمەتىنىڭ بريفينگىنە قاتىستى، دەپ حابارلايدى Almaty-akshamy.kz
سايران سايفەدەنوۆتىڭ ايتۋىنشا، بۇگىنگى كۇنى وسى سالاداعى وزەكتى ماسەلە 18ء-شى ەمحانانىڭ شامادان تىس جۇكتەلۋى بولىپ قالۋدا.
«قالا اكىمى ە. دوسايەۆ اۋدان تۇرعىندارىمەن وتكەن سوڭعى كەزدەسۋدە اتاپ وتكەندەي، "مامىر"، "تاۋگۇل"، "قۋانىش"، "شابىت" جانە "اتامەكەن" شاعىناۋداندارىنىڭ 30 مىڭعا جۋىق ازاماتىنا مەديسينالىق قىزمەت كورسەتۋگە ارنالماعان 3 فيليالدىڭ ءۇي-جايلارىندا قىزمەت كورسەتۋ جالعاسۋدا»، - حابارلادى اۋدان اكىمى.
قالا اكىمىنىڭ تاپسىرماسىنا سايكەس، ءقازىر "مامىر-1" شاعىناۋدانىندا ءبىر اۋىسىمدا 200 ادام قابىلدايتىن وتباسىلىق دارىگەرلىك امبۋلاتوريا قۇرىلىسى جالعاسۋدا. جۇمىستاردى كەلەسى جىلدىڭ I توقسانىندا اياقتاۋ جوسپارلانىپ وتىر.
سونىمەن قاتار، اعىمداعى جىلدىڭ سوڭىنا دەيىن جەر تەلىمىن "قۋانىش" شاعىناۋدانىنان ساتىپ الۋدى جوسپارلاپ وتىرمىز. اۋىسىمىنا 300 كەلۋشىگە ارنالعان №18 ەمحانانىڭ نەگىزگى عيماراتىن سالۋ كوزدەلۋدە. جوبالىق-سمەتالىق قۇجاتتامانى ازىرلەيمىز جانە قۇرىلىستى كەلەسى جىلى باستايمىز دەپ وتىرمىز.
س. سايفەدەنوۆ ورتا جانە مەكتەپكە دەيىنگى ءبىلىم بەرۋ سالاسىنداعى جاعداي تۋرالى تولىق ايتىپ بەردى. اۋەزوۆ اۋدانى اكىمىنىڭ ايتۋىنشا، 48 مەكتەپ جۇمىس ىستەيدى، ونىڭ 33ء-ى مەملەكەتتىك مەكتەپ. بارلىعى 53 269 وقۋشى بار. وقۋشى ورىندارى تاپشىلىعىنىڭ جوعارى دەڭگەيى نەگىزگى پروبلەمالىق ماسەلە بولىپ قالىپ وتىر.
«وقۋشى ورىندارى تاپشىلىعىنىڭ جوعارى دەڭگەيى نەگىزگى پروبلەمالىق ماسەلە بولىپ قالىپ وتىر. اعىمداعى جىلدىڭ باسىندا 3 مەكتەپكە - №6، 121، 133 مەكتەپتەرىنە قوسالقى عيمارات قۇرىلىسىن پايدالانۋعا بەرۋ 1 725 وقۋشى ورنىنىڭ تاپشىلىعىن تومەندەتۋگە مۇمكىندىك بەردى. الايدا، كوپ قاباتتى تۇرعىن ءۇي كەشەندەرىنىڭ قۇرىلىسى اياسىندا تاپشىلىقتىڭ كۇتىلەتىن دەڭگەيى بۇگىندە 3 600 ورىنعا دەيىن ءوستى.
وسى جىلدىڭ مامىر ايىندا 4 شاعىناۋداندا 400 ورىندىق «دوستىق» جەكە مەكتەبى اشىلدى. اعىمداعى جىلدىڭ 1 قىركۇيەگىنە قاراي مەكتەپتەرگە قوسىمشا 1 725 ورىنعا 2 قوسىمشا قۇرىلىس پايدالانۋعا بەرىلەدى (№117 مەكتەپتە 900 ورىندىق جانە №132 مەكتەپتە 825 ورىندىق).
كەلەسى جىلى 5 ءبىلىم بەرۋ نىسانىنىڭ قۇرىلىسىن جوبالاۋ جانە باستاۋ بويىنشا جۇمىستار، ونىڭ ىشىندە №104 مەكتەپكە 400 ورىندىق قوسىمشا قۇرىلىس سالۋ، سالىنىپ جاتقان «City plus» جانە «بەلكاميت» تۇرعىن ءۇي كەشەندەرى جانىندا 1 500 ورىندىق 2 جاڭا مەكتەپ جانە 800 ورىندىق 2 بالاباقشا سالۋ جوسپارلانعان.
سونىمەن قاتار، اعىمداعى جىلدىڭ مامىر ايىندا 3 مەكتەپتە - №122، 141، بيل-دە سەيسميكالىق كۇشەيتۋگە بايلانىستى كۇردەلى جوندەۋ باستالدى. اياقتالۋ مەرزىمى – 2023 جىلدىڭ III توقسانى.
جوندەۋ جۇمىستارى كەزىندە 122 مەكتەپتىڭ وقۋشىلارى №86 جانە №111 مەكتەپتەردە، 141 مەكتەپتىڭ وقۋشىلارى №126 جانە №132 مەكتەپتەردە، ال ءبىلىم-يننوۆاسيا ليسەيىنىڭ وقۋشىلارى №153 جانە №202 مەكتەپتەردە ورنالاساتىن بولادى.
سايران سايفەدەنوۆ وتكەن جىلدىڭ قورىتىندىسى بويىنشا 752 ورىندىق 10 جەكەمەنشىك بالاباقشا اشىلىپ، 187 جۇمىس ورنى اشىلعانىن حابارلادى. الايدا، قازىرگى ۋاقىتتا اۋدان بويىنشا تاپشىلىق 8 047 ورىندى قۇرايدى.
مەكتەپكە دەيىنگى مەكەمەلەردە ورىن تاپشىلىعىن ازايتۋ ماقساتىندا 280 ورىندىق 2 مەملەكەتتىك بالاباقشا سالۋ جوسپارلانۋدا.
«ءبىرىنشى بالاباقشا بويىنشا 120 ورىنعا "التىن بەسىك" شاعىناۋدانىندا اعىمداعى جىلدىڭ قازان ايىنىڭ سوڭىنا دەيىن جسق ازىرلەۋ جانە ونى مەملەكەتتىك ساراپتامادان وتكىزۋ اياقتالادى. قمج 2023 جىلدىڭ I توقسانىندا قۇرىلىستى باستاۋدى جوسپارلاپ وتىرمىز»، - دەپ حابارلادى اۋدان اكىمى.
ەكىنشى بالاباقشا بويىنشا مامىردا 10-شى شاعىناۋداندا 160 ورىنعا قاراۋسىز قالعان بالاباقشا عيماراتى ساتىپ الىندى. اعىمداعى جىلدىڭ قىركۇيەك ايىندا بيۋدجەتتى ناقتىلاۋ كەزىندە جوبالىق-سمەتالىق قۇجاتامانى ازىرلەۋگە قاراجات ءبولۋ جوسپارلانۋدا. كەلەسى جىلى مەملەكەتتىك ساراپتامادان وتكەننەن كەيىن قولدانىستاعى عيماراتتى بۇزىپ، قۇرىلىستى باستاۋ جوسپارلاپ وتىر.