ۇلىبريتانيالىق تۋريست اۋەجايداعى وقيعادان كەيىن دۋباي تۇرمەسىنەن ءبىر-اق شىقتى. ساياحاتشىنىڭ اناسىنا مۇمكىندىگى شەكتەۋلى جاندارعا ارنالعان اربانى بەرمەگەن سوڭ جانجال باستالعان. ول اۋەجاي قىزمەتكەرىمەن جانجالداسقان، - دەپ حابارلايدى almaty-akshamy.kz.
ساياحاتشى ءوزى سۇراعان كەزدە بەرمەي، باسقا بىرەۋلەرگە اربانى بەرىپ جاتقانىن كورگەندە جانجال ۋشىعا تۇسكەن. وسى كەزدە ول اۋەجاي قىزمەتكەرىن بالاعاتتاعان.
وسى وقيعاعا بايلانىستى اۋەجاي قىزمەتكەرىنە دورەكى سويلەگەنى ءۇشىن ەر ادامعا قاتىستى قىلمىستىق قۋدالاۋ باستالعان. وعان 10 مىڭ ديرحام (شامامەن 1 250 000 تەڭگە) ايىپپۇل تاعايىندالعان. ۇلىبريتانيالىق ازامات سوتقا بارىپ، ۇكىمگە شاعىمدانعان. وسى ارەكەتى ءۇشىن ونى ءۇش ايعا قاماپ تاستاعان.