«الماتى حوستەل» عيماراتىنداعى ءورت وقيعاسىنا بايلانىستى ق ر قك-نىڭ 292-بابىنىڭ 3-بولىگىمەن سوتقا دەيىنگى تەرگەپ-تەكسەرۋ باستالدى (ابايسىزدا ەكى نە ودان دا كوپ ادامنىڭ ولىمىنە اكەپ سوقتىرعان ءورت قاۋىپسىزدىگى ەرەجەلەرىن بۇزۋ)، دەپ حابارلايدى almaty-akshamy.kz.
باس پروكۋروردىڭ تاپسىرماسىنا سايكەس قىلمىستىق ءىس ارنايى پروكۋروردىڭ ءىس جۇرگىزۋ وندىرىسىنە قابىلداندى.
قۇقىق قورعاۋ ورگاندارىنىڭ تاجىريبەلى قىزمەتكەرلەرىنەن ۆەدومستۆوارالىق جەدەل-تەرگەۋ توبى قۇرىلدى.
ءورتتىڭ شىعۋ سەبەبى مەن العىشارتتارىن انىقتاۋ ماقساتىندا وقيعا ورنىنا قاراپ-تەكسەرۋ جۇرگىزىلىپ، ساراپتامالار تاعايىندالىپ، وزگە دە جەدەل-تەرگەۋ ءىس شارالارى ۇيىمداستىرىلۋدا.
سول كۇنى وسى قىلمىستى جاسادى دەگەن كۇدىكپەن حوستەلدى جالعا بەرۋشى مۋحامەدياروۆ ا. پروكۋرورلارمەن ۇستالىپ، ۋاقىتشا ۇستاۋ يزولياتورىنا وقشاۋلاندىرىلدى.
تەرگەۋ اياسىندا حوستەلدىڭ قىزمەت كورسەتۋىنە قاتىسى بولعان بارلىق تۇلعالاردىڭ ارەكەتىنە قۇقىقتىق باعا بەرىلەدى.
قىلمىستىق ءىس تەرگەۋى باس پروكۋروردىڭ باقىلاۋىندا.