الماتى اۋەجايىندا قارۋلى ادامدى زالالسىزداندىرعان ەر ادامنىڭ كىم ەكەنى بەلگىلى بولدى، دەپ حابارلايدى Orda.kz.
كەپىلگە الىنعان قىزدىڭ ورنىنا ءوزىن ۇسىنعان ەر ادامنىڭ – 1973 جىلى تۋعان مۇسا ءابدىرايىم ەكەنى بەلگىلى بولدى، Orda.kz ءتىلشىسى بۇگىنگى كۇننىڭ باتىرىمەن سۇحباتتاستى.
اشۋعا مىنگەن ەر ادام تەكسەرۋ قىزمەتكەرىنىڭ شاشىنان ۇستاپ، پىشاقپەن قورقىتقان. كۋاگەرلەر ابدىراپ قالعان ساتتە، 52 جاستاعى مۇسا ءابدىرايىم جاعدايدى ءوز قولىنا الدى. بۇرىن سپورتپەن اينالىسقان ول تاي بوكسى جانە جەكپە-جەكتىڭ باسقا تۇرلەرىن مەڭگەرگەن ەكەن.
«مەن جاي عانا تانىسىمدى شىعارىپ سالىپ تۇردىم. قىزعا شابۋىل جاساعانىن كوردىم. ءوزىم ءۇشىن ەمەس، تەك قىز ءۇشىن قورىقتىم»، – دەدى ول.
ءابدىرايىم بىردەن ءوزىن كەپىلگە الۋدى ۇسىنىپ، ارتىنشا شابۋىلداۋشىعا قارسى شىعىپ، ونىڭ قولىنداعى پىشاقتى تارتىپ الىپ، جەرگە قۇلاتقان.
شابۋىلدان زارداپ شەككەن قىز قاتتى كۇيزەلىستە بولدى، الايدا ول مۇساعا العىس ايتتى.
«پوليسەيلەر دە قوڭىراۋ شالىپ، العىستارىن ءبىلدىرىپ جاتىر. تەلەفونىم تىنىمسىز شىرىلداپ جاتىر»، – دەيدى ول كۇلىمسىرەپ.
ءابدىرايىم مۇنداي جاعدايعا ءبىرىنشى رەت تاپ بولعانىن ايتىپ، بارلىعىنىڭ امان قالعانىنا قۋانىشتى ەكەنىن جەتكىزدى.