ولاردىڭ دەنى وتباسى-تۇرمىستىق قاتىناستارعا قاتىستى.
جەرگىلىكتى پوليسيا قىزمەتىنىڭ مالىمەتىنشە، “قۇقىقتىق ءتارتىپ” كەڭ اۋقىمدى جەدەل الدىن الۋ ءىس-شاراسىنىڭ ءتورت كۇنىنىڭ ىشىندە پوليسيانىڭ الدىڭعى ساپتاعى جانە جەدەل بولىمشەلەرى “ءىزىن سۋىتپاي” 82 قىلمىستىڭ بەتىن اشتى، ونىڭ توعىزى قوعامدىق ورىنداردا جاسالعان، ال 39-ى بۇرىن جاسالعان قىلمىس، دەپ حابارلايدى Almaty-akshamy.kz Polisia.kz-كە سىلتەمە جاساپ.
سونىمەن قاتار 7202 اكىمشىلىك قۇقىق بۇزۋشىلىق انىقتالىپ، جولى كەسىلدى. اتاپ ايتقاندا: 184 ۇساق بۇزاقىلىق، 748 الكوگولدىك ىشىمدىكتەر ءىشۋ دەرەگى، 257 – تىنىشتىقتى بۇزۋ، 238 كامەلەتكە تولماعان بالالاردىڭ تۇنگى ۋاقىتتا ەرەسەك ادامداردىڭ ەرىپ ءجۇرۋىنسىز ءجۇرۋى، 1900 تىركەۋسىز تۇرۋ دەرەگى، 18 قاساقانا بوتەن بىرەۋدىڭ مۇلكىنە زيان كەلتىرۋ، 867 قوعامدىق پايدالانۋ ورىندارىن لاستاۋ دەرەگى جانە ت.ب. سونىمەن قاتار ولار قالا جولدارىندا ماس كۇيىندە ۇستالىپ، كولىك جۇرگىزۋ قۇقىعىنان ايىرىلدى.
ەستەرىڭىزگە سالا كەتەيىك، قۇقىق بۇزۋشىلىققا مۇلدەم توزبەۋشىلىك قاعيداتىن نىعايتۋ، كوشەلەردە جانە باسقا دا قوعامدىق ورىنداردا ءتيىستى قوعامدىق ءتارتىپتى ساقتاۋ ماقساتىندا 20-30 قاراشا ارالىعىندا قالادا “قۇقىقتىق ءتارتىپ” جالپىرەسپۋبليكالىق جەدەل الدىن الۋ ءىس-شاراسى وتكىزىلۋدە. ول ۆانداليزم دەرەكتەرىن، مۇلىكتىك زالال كەلتىرۋدى، ۇساق بۇزاقىلىقتى، جول قوزعالىسى قاۋىپسىزدىگى سالاسىنداعى بۇزۋشىلىقتاردى انىقتاۋ جانە جولىن كەسۋگە، سونداي-اق تۇرمىستىق زورلىق-زومبىلىق، ونىڭ ىشىندە كامەلەتكە تولماعاندارعا قاتىستى قۇقىق بۇزۋشىلىقتاردىڭ الدىن الۋعا باعىتتالعان.