ەلدەگى ەڭ ءىرى اۋەجايدا بولعان شابۋىلدىڭ ناتيجەسىندە كەلتىرىلگەن شىعىن 23 ميلليارد تەڭگەگە جۋىقتاعان.
2021 جىلدىڭ قاڭتار-قاراشا ايلارىندا اۋە كولىگىمەن تاسىمالدانعان 10 جولاۋشىنىڭ 7-ەۋى الماتى قالاسىنان بولدى، دەپ حابارلايدى Almaty-akshamy.kz ەnergyprom.kz سايتىنا سىلتەمە جاساپ.
اۋە كولىگى كاسىپورىندارىنىڭ تولىق ەمەس 2021 جىلعى 11 ايداعى تابىسى كۇردەلى «كورونا داعدارىسىن» كەشىرگەن 2020 جىلدىڭ وسى كەزەڭىمەن سالىستىرعاندا، 170،1 ملرد تەڭگەدەن ۇلعايىپ، 333،2 ملرد تەڭگەگە جەتتى. كىرىستىڭ 95 پايىزدان استامى – 317،8 ميلليارد تەڭگە – ءداستۇرلى تۇردە جولاۋشى تاسىمالداۋدان، قالعان 15،4 ميلليارد تەڭگە – جۇكتەر مەن باگاجدى تاسىمالداۋدان تۇسكەن كىرىستەر.
جالپى، 2020 جىلى اۋە كولىگى كاسىپورىندارىنىڭ كىرىس كولەمى 188،2 ملرد تەڭگەنى قۇرادى، بۇل 2019 جىلعى «كورونا داعدارىسىنىڭ» الدىنداعى ۋاقىتپەن سالىستىرعاندا 2 ەسەگە از. بۇل رەتتە 2020 جىلعى شىعىن 67،5 ميلليارد تەڭگەنى قۇراسا، 2019 جىلى 33،4 ميلليارد تەڭگە پايدا بولعان.
2021 جىلعى قاڭتار-قاراشا ايلارىندا اۋە كولىگىمەن 8،6 ملن جولاۋشى تاسىمالداندى، بۇل 2020 جىلدىڭ وسى كەزەڭىمەن سالىستىرعاندا 73،7%-عا ارتىق.
جالپى، 2020 جىلى 5،5 ملن جولاۋشى تاسىمالداندى، بۇل 2019 جىلمەن سالىستىرعاندا 36،4%-عا از.
2021 جىلعى قاڭتار-قاراشادا 30،6 مىڭ توننا جۇك تاسىمالداندى، بۇل 2020 جىلعى قاڭتار-قاراشامەن كەزەڭىمەن سالىستىرعاندا 1،5 ەسەگە ارتىق.
جالپى، 2020 جىلى 23،4 مىڭ توننا جۇك تاسىمالداندى، بۇل 2020 جىلمەن سالىستىرعاندا 12،4%-عا از، ال جولاۋشىلار تاسىمالىمەن سالىستىرعاندا تاسىمالدانعان جۇك كولەمى دە 2019 جىلى بىردەن 39،5%-عا قىسقاردى.
2021 جىلدىڭ قاڭتار-قاراشا ايلارىندا اۋە كولىگىمەن تاسىمالدانعان 10 جولاۋشىنىڭ 7-ەۋى الماتى قالاسىنان بولدى، بۇل دەگەنىمىز 6،1 ملن ادام. ودان كەيىنگى ورىندا شىمكەنت (1،9 ملن ادام) جانە نۇر-سۇلتان (529،2 مىڭ ادام) مەگاپوليستەرى تۇر.
2021 جىلدىڭ قاڭتار-قاراشا ايلارىندا الماتى قالاسىنىڭ ۇلەسىنە دە اۋە كولىگىمەن تاسىمالدانعان جۇكتەردىڭ، جالپى كولەمىنىڭ 62،8%-ى تيەسىلى بولدى: بۇل 19،2 مىڭ توننانى قۇرادى. ودان كەيىنگى ورىندا شىمكەنت (9 مىڭ توننا) جانە نۇر-سۇلتان (2،4 مىڭ توننا) كەلەدى.
وسى ورايدا، اعىمداعى جىلدىڭ 5-6 قاڭتارىندا الماتى حالىقارالىق اۋەجايىن باسىپ الۋ جانە توناۋ ناتيجەسىندە الماتى اكىمدىگىنىڭ الدىن الا مالىمەتى بويىنشا، 2022 جىلعى 14 قاڭتارداعى اقپاراتقا سايكەس، وعان 22،6 ميلليارد تەڭگە زالال كەلتىرىلگەن، ال قالاعا كەلتىرىلگەن جالپى شىعىن شامامەن 112 ملرد تەڭگەنى قۇرادى .
سونىمەن قاتار، الماتى اۋەجايى 2022 جىلدىڭ 13 قاڭتارىنان باستاپ جۇمىسىن جالعاستىرىپ، ىشكى جانە حالىقارالىق رەيستەردى كەزەڭ-كەزەڭىمەن قالپىنا كەلتىردى، بۇل ونىڭ قارجىلىق كورسەتكىشتەرىنە دە اسەر ەتەتىنى ءسوزسىز.
