الماتى كاسىپكەرلەرى مۇلىكتىك زالالدىڭ ورنىن تولتىرۋ ءۇشىن قانداي قۇجاتتاردى ۇسىنۋلارى ءتيىس

كاسىپكەر ۇسىنعان قۇجاتتار پاكەتى بەس كۇنتىزبەلىك كۇن ىشىندە قارالادى.

بۇل تۋرالى الماتى وڭىرلىك كوممۋنيكاسيالار قىزمەتىنىڭ ونلاين-بريفينگىندە قالا اكىمىنىڭ ورىنباسارى ءىلياس وسەروۆ ايتىپ بەردى، دەپ حابارلايدى Almaty-akshamy.kz

ول كاسىپكەر ۇسىنعان قۇجاتتار پاكەتى بەس كۇنتىزبەلىك كۇن ىشىندە قارالاتىنىن اتاپ ءوتتى.

الدىمەن زارداپ شەككەن بيزنەس وكىلدەرى ءوتىنىشتى ەلەكتروندى نىسانعا جىبەرۋى ءتيىس «InfoKazakhstan.kz». بۇل رەتتە مۇنى سەنىمحات نەگىزىندە ارەكەت ەتەتىن ادامدارعا جاساۋعا مۇمكىندىك بار.

ءى. وسەروۆتىڭ ايتۋىنشا، ءوتىنىش بەرۋشى كەلەسى قۇجاتتار پاكەتىن ۇسىنۋى قاجەت:

- جك ءۇشىن – جك جەكە باسىن كۋالاندىراتىن قۇجاتتىڭ كوشىرمەسى، جك تالونى.

- زاڭدى تۇلعالار ءۇشىن – زاڭدى تۇلعانىڭ مەملەكەتتىك تىركەلگەنىن راستايتىن قۇجاتتىڭ كوشىرمەسى؛

- مۇلىككە مەنشىك قۇقىعىن نەمەسە وزگە دە زاتتىق قۇقىقتى راستايتىن قۇجاتتار، سايكەستەندىرۋ قۇجاتتارى؛

- جىلجىمايتىن مۇلىك ءۇشىن

– بۇلىنگەن مۇلىكتى قالپىنا كەلتىرۋگە ارنالعان شىعىستار سمەتاسى؛

- بۇلىنگەن نەمەسە جويىلعان جىلجىمالى مۇلىك جانە (نەمەسە) تاۋارلىق-ماتەريالدىق قۇندىلىقتار ءۇشىن – باعالاۋ تۋرالى ەسەپ؛

- جوعالعان (ۇرلانعان) تاۋار-ماتەريالدىق قۇندىلىقتار مەن جابدىقتار ءۇشىن – مەملەكەتتىك كىرىس ورگاندارىنان، فيسكالدىق دەرەكتەر وپەراتورلارىنان وتكەن جىلعى اينالىم سومالارى تۋرالى مالىمەتتەردى سۇراتۋعا جانە الۋعا كەلىسىم؛

- وزگە دە قۇجاتتار (فوتو جانە بەينەماتەريالدار).

الماتى اكىمىنىڭ ورىنباسارى كاسىپكەر ۇسىنعان قۇجاتتار پاكەتىن وڭىرلىك كوميسسيا جانە/نەمەسە قور كوميسسياسى بەس كۇنتىزبەلىك كۇن ىشىندە قارايتىنىن اتاپ ءوتتى.