قازاقستاندا اۆياكەروسين باعاسى كەزەڭ-كەزەڭىمەن تومەندەتىلىپ جاتىر، دەپ حابارلايدى aqshamnews.kz
بيلىك بۇل شارا اۋە تاسىمالىنىڭ قۇنىن ازايتۋعا مۇمكىندىك بەرەدى دەپ وتىر. بۇعان دەيىن ۇشاق وتىنىنىڭ باعاسى 1200–1300 دوللار دەڭگەيىندە بولعان. قازىرگى تاڭدا ەنەرگەتيكا مينيسترلىگى ونى 940 دوللارعا دەيىن ءتۇسىردى. الداعى ۋاقىتتا تاعى شامامەن 100 دوللارعا ارزانداتۋ جوسپارلانىپ وتىر.
كولىك ءمينيسترى نۇرلان ساۋرانبايەۆتىڭ ايتۋىنشا، وتىن باعاسىنىڭ تومەندەۋى اۋە بيلەتتەرىنىڭ قۇنىنا جانە جۇك تاسىمالى تاريفتەرىنە تىكەلەي اسەر ەتەدى. سونىڭ ناتيجەسىندە ىشكى جانە حالىقارالىق رەيستەر بويىنشا بيلەتتەردىڭ ارزانداۋى مۇمكىن.