بۇل تۋرالى الماتى قالاسىنىڭ اكىمى ە.دوسايەۆتىڭ مەدەۋ اۋدانىنىڭ تۇرعىندارىمەن كەزدەسۋىندە ايتتى، دەپ حابارلايدى اlmaty-akshamy.kz.
بيىلعى جىلى ەكى سكۆەردى جاڭارتۋ جۇمىستارى اياقتالادى، ونىڭ ىشىندە وقۋشىلار سارايى مەن قازاقستان رەسپۋبليكاسى مەملەكەتتىك مۋزەيىنىڭ جانىنداعى سكۆەرلەر بار. سۋبۇرقاقتار جاڭارتىلىپ، جارىق پەن شاعىن ساۋلەتتىك نىساندار ورناتىلدى. كەلەسى جىلى مەملەكەتتىك مۋزەيدىڭ وڭتۇستىگىندە جۋرناليستەر الاڭىن، ونداعى سۋارۋ جۇيەسىن جاڭارتۋ جۇمىستارىن باستاۋ جوسپارلانعان.
ماۋسىمدا وتكەن كەزدەسۋ بارىسىندا "الاتاۋ" شاعىناۋدانىندا سكەيت-پارك جاساۋ ماسەلەسى كوتەرىلدى. جۇمىستار يبراگيموۆ كوشەسىندەگى سكۆەردىڭ قۇرىلىسى كەزىندە، ياعني 2023 جىلدىڭ II توقسانىندا جۇرگىزىلەدى.
بۇدان باسقا، قازىرگى ۋاقىتتا «الماتىباسجوسپار» جاۋاپكەرشىلىگى شەكتەۋلى سەرىكتەستىگىنىڭ جەلىسى بويىنشا كوشەلەر مەن قوعامدىق كەڭىستىكتى جاڭارتۋعا قاتىستى بىرنەشە جوبا پىسىقتالۋدا. پۋشكين كوشەسىن، دوستىق داڭعىلىن ال-فارابيگە دەيىن، قازىبەك بي كوشەسىن جانە ت.ب. كوشەلەردى رەكونسترۋكسيالاۋ جوسپارلانىپ وتىر (تاقتاتاس توسەۋ، كوگالداندىرۋ، اۆتوماتتى سۋارۋ، ورىندىقتار، قوقىس جاشىكتەرىن، جارىقتاندىرۋ تىرەكتەرىن، شاعىن ساۋلەتتىك نىساندار ورناتۋ).