قالادا تۇراقتى سۋ باساتىن 56 ۋچاسكە بەلگىلى، ونىڭ 8ء-ى جەتىسۋ اۋدانىندا ورنالاسقان.
بۇل تۋرالى قالا اكىمى ەربولات دوسايەۆتىڭ جەتىسۋ اۋدانى تۇرعىندارىمەن وتكەن كەزدەسۋدە بەلگىلى بولدى، دەپ حابارلايدى Almaty-akshamy.kz.
«وسى 8 ۋچاسكەنى سۋ باسۋ ماسەلەسىن شەشۋ ءۇشىن قالا اكىمدىگى توتەنشە جاعدايلار جەلىسى بويىنشا وسى جىلدىڭ تامىز ايىندا 7،2 كم ارىق سالۋ، 2،2 كم كوللەكتورلاردى قالپىنا كەلتىرۋ جانە ەسەنتاي كانالىنىڭ 2،5 كم بولىگىن تازارتۋ جۇمىستارىن باستادى. جۇمىستاردى جىلدىڭ سوڭىنا دەيىن اياقتاۋ جوسپارلانىپ وتىر»، - دەدى قالا اكىمى ەربولات دوسايەۆ.
سونداي-اق اۋداننىڭ ءوز كۇشىمەن بيىلعى ماۋسىم ايىندا 27 مەكەنجايداعى ارىق جەلىسىنىڭ وتكىزۋ قابىلەتىن جاقسارتۋ ءۇشىن 4،4 كم ارىق جەلىسىن جاڭعىرتۋ جۇمىستارى باستالدى. ءقازىردىڭ وزىندە 3،2 كم ارىق سالىندى. قالعان 1،2 كم وسى جىلعى قازان ايىنىڭ سوڭىنا دەيىن اياقتالاتىن بولادى.