الماتى اكىمى ەربولات دوسايەۆتىڭ حالىقپەن كەزەكتى كەزدەسۋى جەتىسۋ اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان كەلىپ تۇسكەن ۇسىنىستار بويىنشا اتقارىلعان جۇمىستار تۋرالى ايتتى. كەزدەسۋگە 180 ادام كەلدى، دەپ حابارلايدى اlmaty-akshamy.kz.
اۋدانداعى كوممۋنالدىق ينفراقۇرىلىمدى جاڭعىرتۋ وزەكتى ماسەلە بولىپ قالۋدا. قازان ايىنىڭ سوڭىنا قاراي اۋداندا قازىبايەۆ-رىسقۇلوۆ-تاتىبەكوۆ-رايىمبەك (58 كم) كوشەلەرىنىڭ اۋماعىنداعى جەلىلەردى قايتا جاڭارتۋ جۇمىستارىن اياقتاۋ جوسپارلانۋدا. سونداي-اق، بۇگىنگى كۇنى اۋداندا ۇزىندىعى 47 كم سۋمەن جابدىقتاۋ جانە كارىز جەلىلەرىن سىناۋ بويىنشا جۇمىستار جۇرگىزىلۋدە.
اۋدان تۇرعىندارىن تۇراقتى ەلەكتر قۋاتىمەن قامتاماسىز ەتۋ ءۇشىن وسى جىلدىڭ مامىر ايىنان باستاپ ەسكىرگەن 40 شاقىرىم جەلىلەردى قايتا جوندەۋ جۇمىستارى جۇرگىزىلۋدە.
پاللادينا–پاۆلودار–سەلسكايا–بۋرۋندايسكايا كوشەلەرىندەگى ۋچاسكەلەر جىل سوڭىنا دەيىن، ال "كەمەل" شاعىناۋدانىندا جۇمىستار 2023 جىلدىڭ ءساۋىر ايىندا اياقتالادى.
جولداردىڭ پايدالانۋ سيپاتتامالارىن جاقسارتۋ ءۇشىن جالپى ۇزىندىعى 15،3 شاقىرىم 13 كوشەدە ورتاشا جوندەۋ اياقتالدى، اعىمداعى جىلدىڭ قاراشا ايىنا دەيىن قوسىمشا 9 كوشە (11،9 شاقىرىم) جوندەلەتىن بولادى.
قالا اكىمى اتاپ وتكەندەي، اۋداندا جاۋىن-شاشىن كەزىندە سۋ باسۋ ماسەلەسى وزەكتى بولىپ قالۋدا. تۇراقتى سۋ باسۋدىڭ 8 ۋچاسكەسى انىقتالدى. تج جەلىسى بويىنشا پروبلەمانى شەشۋ ءۇشىن جىل سوڭىنا دەيىن 2،2 شاقىرىم كوللەكتوردى قالپىنا كەلتىرۋ، 7،2 شاقىرىم ارىق جەلىلەرىن سالۋ قاراستىرىلعان. سونداي-اق ماۋسىم ايىندا وتكىزۋ قابىلەتىن ارتتىرۋ ءۇشىن 27 مەكەنجاي بويىنشا 4،4 شاقىرىم ارىقتاردى جاڭعىرتۋ جۇمىستارى باستالدى. جۇمىستاردى اعىمداعى جىلدىڭ قازان ايىنا دەيىن اياقتاۋ جوسپارلانۋدا.
وقۋشى ورىندارىنىڭ تاپشىلىعى ماسەلەسىن شەشۋ ءۇشىن اۋداندا جۇمىس ىستەپ تۇرعان 4 مەكتەپكە قوسىمشا قۇرىلىس سالۋ، سونداي-اق 2 وقۋ ورنىنا كۇردەلى جوندەۋ جۇمىستارى جۇرگىزىلۋدە. قىركۇيەك ايىنىڭ سوڭىنا دەيىن №129 مەكتەپتى كۇردەلى جوندەۋ اياقتالادى، 80 مەكتەپ بويىنشا جۇمىستاردى كەلەسى وقۋ جىلىنىڭ باسىندا اياقتاۋ جوسپارلانۋدا.
مەكتەپكە دەيىنگى ۇيىمدارداعى تاپشىلىقتى قىسقارتۋ ماقساتىندا «اينابۇلاق-4» شاعىناۋدانىندا 160 ورىندىق بالاباقشانىڭ قۇرىلىسى باستالدى. اياقتالۋ مەرزىمى - 2023 جىلعى ماۋسىم.
مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن جەتىسۋ اۋدانىندا 3 دەنساۋلىق ساقتاۋ نىسانى بويىنشا جۇمىس جۇرگىزىلۋدە. جىل سوڭىنا دەيىن "كەمەل" شاعىناۋدانىندا 200 ادام قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى اياقتالادى. وسى جىلدىڭ تامىز ايىندا ەمحانالاردىڭ ەكى عيماراتىن كۇردەلى جوندەۋگە جسق ازىرلەۋ قولعا الىندى. قۇرىلىس-مونتاج جۇمىستارى 2023 جىلى باستالادى.
اۋداندا "كەمەل"، "اينابۇلاق" جانە "قۇلاگەر" شاعىناۋداندارىندا ءۇش دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالدى. قازان ايىندا تەگىن ۇيىرمەلەر مەن سەكسيالارعا بالالاردى قابىلداۋ باستالادى. كەشەندەرگە كۇن سايىن 700-گە جۋىق بالا بارا الادى.
سونداي-اق، قالا اكىمى اۋداننىڭ قاۋىپسىزدىگىن قامتاماسىز ەتۋ جانە اباتتاندىرۋ بويىنشا جۇرگىزىلىپ جاتقان جۇمىستار تۋرالى ايتىپ بەردى. قىركۇيەك ايىندا 597 بەينەباقىلاۋ كامەراسىن ورناتۋ جۇمىستارى باستالادى. نەگىزىنەن باقىلاۋ كامەرالارى ءبلىم بەرۋ وبەكتىلەرىنىڭ جانىندا، ساياباقتار، سكۆەرلەر اۋماقتارىندا، اۋلالار مەن جول قيىلىستارىندا ورناتىلادى.
«حالىقتىڭ بيۋدجەتكە قاتىسۋى» باعدارلاماسى اياسىندا 8 جوبا جۇزەگە اسىرىلدى، 3 اۋلا الاڭىنا، 2 سكۆەرگە جوندەۋ جۇرگىزىلدى، "قۇلاگەر" شاعىناۋدانىنداعى اربات الاڭى بالالاردىڭ ويىن كەشەندەرىمەن تولتىرىلدى، ۆەليكولۋكسكايا كوشەسى مەن رىسقۇلوۆ داڭعىلى – كرىلوۆ كوشەسىنىڭ بۇرىشىنا 2 جاڭا جاياۋ جۇرگىنشىلەر ايماعى جاسالدى. تاعى 13 جوبا قازان ايىنىڭ سوڭىنا دەيىن اياقتالادى. "قۇلاگەر" شاعىناۋدانىندا ۇزىندىعى 1 كم بولاتىن 2 جاڭا جاعالاۋ، ۇزىندىعى 40 م جانە بيىكتىگى 4 م بولاتىن بارلىق ماۋسىمدىق توبەشىك سالىنادى. جۇمىسشى كەنتىندە جاڭا دەمالىس ايماعى جانە 9 اۋلادا بالالار ءۇشىن جاڭا ويىن الاڭدارى سالىنادى.
قاراشا ايىنىڭ سوڭىنا دەيىن اۋداندا 2 جاڭا جاستار ساياباعى اشىلادى، ءبىرىنشىسى - رىسقۇلوۆ داڭعىلىنداعى كوپىردىڭ استىندا، ءسۇيىنباي داڭعىلىنىڭ بۇرىشىندا، ەكىنشىسى - "اينابۇلاق -1" شاعىناۋدانىنداعى جىرادا.
الماتى اكىمىمەن كەزدەسۋ بارىسىندا تۇرعىندار جولداردى، كارىز جانە ەلەكتر جەلىلەرىن جوندەۋ، اباتتاندىرۋ جانە ت. ب. ماسەلەلەردى كوتەردى.
مەملەكەت باسشىسى قاسىم-جومارت توقايەۆتىڭ جارلىعىمەن بەكىتىلگەن حالىقپەن كەزدەسۋلەردىڭ جاڭا فورماتىنا سايكەس جىل سوڭىنا دەيىن ەربولات دوسايەۆ حالىقپەن 24 كەزدەسۋ وتكىزەدى – توقسانىنا 8 اۋداننىڭ تۇرعىندارىمەن ءبىر-بىر كەزدەسۋ.