55،2 كم ارىق جەلىسىن سالۋ جانە رەكونسترۋكسيالاۋ جۇمىستارى جۇرگىزىلۋدە.
بارلىق ۋچاسكەلەردى اۆتوماتتاندىرىلعان سۋارۋ جۇيەسىنە كوشىرۋ ماسەلەسى قاراستىرىلۋدا، دەپ حابارلايدى Almaty-akshamy.kz
جاسىل قوردى ساقتاۋ ءۇشىن اۋداندا كولەمى 163،4 گا بولاتىن 27 ۋچاسكەدە سۋارۋ قۇبىرى ورناتىلدى.
ماۋسىم ايىندا اپاتتىق جاعدايداعى اعاشتاردى سانيتارلىق كەسۋ جانە قۇلاتۋ جۇمىستارى باستالدى. بۇگىنگى كۇنى جوسپارلانعان 4 500 اعاشتىڭ 2 600ء-ىن سانيتارلىق كەسۋ، جوسپارلانعان 2 500-دەن اپاتتى جاعدايداعى 600 اعاشتى قۇلاتۋ جۇمىستارى جۇرگىزىلدى.
سونداي-اق 435 مىڭ اعاشتى 4 ەسەلى بيولوگيالىق وڭدەۋ جۇرگىزىلۋدە.
اۋلا ىشىندەگى اۋماقتاردا اعاشتاردى سانيتارلىق كەسۋ جۇمىستارى قايتا باستالدى. بۇعان دەيىن بۇل ماسەلەمەن تۇرعىن ۇيلەردى باسقارۋ ورگاندارى اينالىسقان بولاتىن.
تۇرعىنداردىڭ تۇرۋىنا قولايلى جاعداي جاساۋ ءۇشىن 80 اۋلا اۋماعىنا كۇردەلى جوندەۋ جۇمىستارى جۇرگىزىلۋدە. سونداي-اق بيىل 90 اۋلانى اعىمداعى جوندەۋ جوسپارلانعان.
«حالىق قاتىساتىن بيۋدجەت» جوباسى اياسىندا تۇرعىنداردىڭ وتىنىمدەرى بويىنشا 1ء-شى كەزەڭدە 800 ملن تەڭگە سوماسىنا 17 جوبا ىرىكتەلدى. كونكۋرستىق راسىمدەر وتكىزىلدى، 15 جوبا بويىنشا قۇرىلىس-مونتاجداۋ جۇمىستارى جۇرگىزىلۋدە. جۇمىستاردى وسى جىلدىڭ قىركۇيەگىندە اياقتاۋدى جوسپارلاپ وتىرمىز. 2 جوبا بويىنشا كونكۋرستىق راسىمدەر ءجۇرىپ جاتىر.
وسى باعدارلاما بويىنشا بيىل 2ء-شى كەزەڭگە 875 ملن. تەڭگە ءبولىندى. اۋدان تۇرعىندارى 100 ءوتىنىم بەردى، ونىڭ ىشىندە 2-14 مامىر ارالىعىندا تۇرعىنداردان ەڭ كوپ داۋىس جيناعان 23 جوبا تاڭدالدى. جوبالاردى ىسكە اسىرۋ وسى جىلدىڭ تامىز ايىندا باستالادى.