مەديسينالىق قىزمەتتەردىڭ ساپاسىن جاقسارتۋ ءۇشىن بيىل ماۋسىم ايىندا «كەرۋەن Medicus» مەديسينالىق ورتالىعىندا 40 ورىندىق جاڭا پەرزەنتحانا كورپۋسى جانە اۋىسىمىنا 300 كەلۋشىگە ارنالعان ەمحانا اشىلدى، دەپ حابارلايدى Almaty-akshamy.kz.
«قازان ايىندا 300 ورىندىق «بالالار جەدەل جاردەم ورتالىعىنىڭ» وپەراسيالىق بلوگىمەن بىرگە قابىلداۋ بولىمشەسىنىڭ جاڭا كورپۋسىن اشۋ جوسپارلانعان»، -دەدى قالا اكىمى ە.دوسايەۆ بوستاندىق اۋدانى تۇرعىندارىمەن كەزدەسۋىندە.
مەديسينالىق مەكەمەلەردىڭ جۇكتەمەسىن ازايتۋ ماقساتىندا اكىمدىك 6 دەنساۋلىق ساقتاۋ وبەكتىسىن سالۋ جانە رەكونسترۋكسيالاۋدى جوسپارلاپ وتىر.
«ءارقايسىسى 500 ورىندىق 2 جاڭا ەمحانانىڭ جانە ورتالىق قالالىق كلينيكالىق اۋرۋحانانىڭ 500 ورىندىق جاڭا كورپۋسى جوبالانۋدا. بۇل وبەكتىلەردىڭ قۇرىلىسى 2024 جىلى باستالادى.
پەريناتولوگيا جانە بالالار كارديوحيرۋرگياسى ورتالىعىنىڭ عيماراتىن، سونداي-اق №4 جانە №12 ەمحانالاردى كۇردەلى جوندەۋ جۇمىستارى جوبالانۋدا. №4 جانە №12 ەمحانالاردى جوندەۋ جۇمىستارى قاراشا ايىندا، ال پەريناتولوگيا جانە بالالار كارديوحيرۋرگياسى ورتالىعى كەلەسى جىلدىڭ ناۋرىز ايىندا باستالادى»، -دەدى قالا اكىمى.