6 قازاندا قازاقستاننىڭ ءتورت وبلىسىندا جەل كۇشەيىپ، ۇسىك جۇرەدى، دەپ حابارلايدى Almaty-akshamy.kz «قازگيدرومەت» رمك-عا سىلتەمە جاساپ.
باتىس قازاقستان وبلىسىندا وڭتۇستىك-شىعىستان جەل سوعىپ، سولتۇستىك-باتىسقا اۋىسادى. سونىمەن قاتار وبلىستىڭ سولتۇستىگىندە، شىعىسىندا ەكپىنى 15-20 م/س جەل سوعادى.
تۇركىستان وبلىسىنىڭ سولتۇستىگى مەن باتىسىندا شاڭدى داۋىل سوعادى. سولتۇستىكتە، باتىستا، وبلىستىڭ تاۋلى ايماقتارىندا شىعىستان سوعاتىن جەلدىڭ كۇشى 15-20 م/س، تاۋلى اسۋلاردا ەكپىنى 23 م/س جەل تۇرادى. تۇندە وبلىستىڭ سولتۇستىگىندە توپىراق بەتىندە 2 گرادۋس ۇسىك جۇرەدى. تۇركىستاندا كۇندىز شاڭدى داۋىل سوعادى. شىعىستان سوعاتىن جەل، كۇندىز ەكپىنى 15-20 م/س بولادى.
6 قازاندا كۇندىز اقتوبە وبلىسىنىڭ سولتۇستىگىندە وڭتۇستىك-شىعىستان ەكپىنى 18 م/س جەل سوعادى.
كۇندىز قىزىلوردا وبلىسىنىڭ ورتالىعىندا شاڭدى داۋىل، شىعىستان سوعاتىن جەلدىڭ كۇشى 15-20 م/س كۇتىلەدى.