پاۆلودار وبلىسى پوليسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ جەدەل ۋاكىلدەرى پروكۋراتۋرانىڭ ۇيلەستىرۋىمەن بوپسالاۋمەن اينالىسقان قىلمىستىق توپتى ۇستادى، - دەپ حابارلايدى Polisia.kz.
قىلمىستىق توپ قۇرامىنا جاسى 25 پەن 35 ارالىعىنداعى ادامدار كىرگەن. قازىرگى ۋاقىتتا كۇدىكتىلەردىڭ بوپسالاۋدىڭ بەس دەرەگىنە قاتىسى بار ەكەنى انىقتالدى.
سونىمەن قاتار، توپ مۇشەلەرىنىڭ پاۆلودار وبلىسىنىڭ اۋماعىندا قارۋدى قولدانۋمەن بۇزاقىلىق جاساۋعا جانە پاتەر ۇرلىعىنا قاتىسى بار-جوعى دا تەكسەرىلىپ جاتىر. ءتىنتۋ شارالارىنىڭ ناتيجەسىندە قاتىسۋشىلاردان بەس اتىس جانە تراۆماتيكالىق قارۋ، قولدان جاسالعان كاستەتتەر، شوقپار مەن پىشاقتار، سونداي-اق رگد-5 گراناتاسى تاركىلەندى. تاركىلەنگەن قارۋ بويىنشا ساراپتاما تاعايىندالعان.
"قىلمىستىق توپتىڭ جەتى مۇشەسى ۇستالدى، ونىڭ ىشىندە ەڭ بەلسەندى ءۇش قاتىسۋشىسى ۋاقىتشا ۇستاۋ يزولياتورىنا قامالدى. جەدەل-تەرگەۋ شارالارى جالعاسىپ جاتىر. تەرگەۋ قازاقستان رەسپۋبليكاسى قىلمىستىق كودەكسىنىڭ بىرنەشە بابتارى بويىنشا جۇرگىزىلىپ جاتىر"، – دەدى ق ر ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس