الماتىدا نوسەر جاڭبىر مەن بۇرشاق جاۋادى.
قالانىڭ توتەنشە جاعدايلار دەپارتامەنتى تۇرعىندارعا ەسكەرتۋ جاسادى، دەپ حابارلايدى Almaty-akshamy.kz
«قازگيدرومەتتىڭ» ەسكەرتۋىنە سايكەس 28 تامىز كۇنى الماتىدا نوسەر جاۋىن مەن بۇرشاق جاۋىپ، نايزاعاي وينادى. وڭتۇستىك-باتىستان سوققان جەلدىڭ ەكپىنى 3-8، نايزاعاي كەزىندە 15-20 م / س. جەتەدى»، - دەلىنگەن حابارلامادا.
وسى ورايدا قالالىق تجد جۇرگىزۋشىلەردەن كولىكتەرىن كوشەدە قالدىرماي، اۆتوتۇراققا قويۋ كەرەكتىگىن ەسكەرتەدى.
سونداي-اق، كولىكتەردى جارىق جەلىسى تارتىلعان جەردەن اۋلاق قويۋ كەرەكتىگىن ەسكە سالادى.
ودان بولەك، الماتى تاۋلارىندا گلياسيالدى (مۇزدىق) جانە نوسەرلى سيپاتتاعى سەل ءقاۋپى ساقتالادى.
«قۇرمەتتى تۋريستەر، الماتى قالاسىنىڭ تۇرعىندارى مەن قوناقتارى: سەل تاسقىنىنا قالىپ قالعان جاعدايدا، قۇتقارىپ قالۋعا مۇمكىندىك جوق. سەل تاسقىنى قاۋپىنە بايلانىستى ىلە الاتاۋى تاۋلارىنا بارماۋلارىڭىزدى سۇرايمىز»،- دەپ ەسكەرتتى توتەنشەلىكتەر.
ايتا كەتەيىك مەگاپوليستە تۇندە باستالعان جاۋىن ۇزىلىسپەن ءالى جاۋىپ تۇر.