كىتاپتا ارحيۆ پەن مۋزەيدەن الىنعان قۇجاتتاردان دەرەكتەر كەلتىرىلگەن
ەڭبەك ۇلتتىڭ ۇلى ۇستازى ىبىراي التىنسارينگە ارنالعان. رۋحاني-اعارتۋشىلىق تۋىندى «الماتىكىتاپ» باسپاسىنىڭ «مەنىڭ قازاقستانىم» سەرياسى بويىنشا شىعارىلدى. باسپا كەلەسى جۇمىسىن شوقان ءۋاليحانوۆقا ارناعالى وتىر، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ.
«ىبىراي-دالانىڭ تازا بۇلاعى» كىتابىن «الماتىكىتاپ» باسپاسى مەن قوستاناي وبلىستىق ىبىراي التىنسارين مەموريالدىق مۋزەيىنىڭ قىزمەتكەرلەرى مارعۇلان وسپانوۆ پەن سالتانات وتەلبايەۆا بىرىگىپ جازدى. جيناقتىڭ تيراجى 9 مىڭ دانا. ونىڭ 5 مىڭى قازاق تىلىندە، قالعانى ورىس تىلىندە باسىلدى. بۇل كىتاپتىڭ ىشىندە بۇرىن-سوڭدى جاريالانباعان دەرەكتەر دە بار.
«ايتالىق ءالتىنساريننىڭ اتاسى بالقوجا بي تۋرالى ەشجەردە، زەرتتەۋ ءالى دە كەمشىن تارتىپ جاتقان ەدى. سول بالقوجا ءبيدىڭ ءومىر دەرەگىن جانە دە سۋرەتىن ىزدەستىرىپ زەرتتەپ وسى كىتاپقا العاش رەت مىنەكي سول بالقوجا ءبيدىڭ سۋرەتىن جاريالاپ وتىرمىز»، - دەيدى كىتاپ اۆتورى مارعۇلان وسپانوۆ.
باسپاگەرلەر بۇل كىتاپ ءاربىر ءمۇعالىمنىڭ قولىندا بولۋى ءتيىس، دەپ سانايدى. وندا ءالتىنساريننىڭ تۇتاس ءومىرى مەن پەداگوگيكالىق ەڭبەگى كەڭىنەن باياندالادى. وعان قوسا ارحيۆ پەن مۋزەيدەن الىنعان قۇجاتتاردان دەرەكتەر كەلتىرىلدى.
«كىتاپتى سول سالانى زەرتتەپ جۇرگەن ماماندار باسپاعا دايىنداۋ كەرەك دەپ سانايمىن. ءبىز بۇعان دەيىن اباي تۋرالى ەڭبەكتى ونىڭ سەمەيدەگى مەموريالدىق مۋزەيىمەن بىرىگىپ شىعاعارعان ەدىك. مىنە ەندى التىنسارينگە قاتىستى كىتاپتى ۇسىنىپ وتىرمىز. كەلەسى جۇمىسىمىزدى شوقان ءۋاليحانوۆقا ارناپ جاتىرمىز»،- دەيدى «الماتىكىتاپ» باسپاسىنىڭ پرەزيدەنتى گاۋھار سايماسايەۆا.