استانادا ەلدەگى تاۋ-كەن مەتاللۋرگيا (تكم) سالاسىنداعى كورپوراتيۆتىك ۋنيۆەرسيتەتتەردىڭ كەڭەيتىلگەن فورماتتاعى حالىقارالىق كەزدەسۋى ءوتتى. ءىس-شارا ۇيىمداستىرۋشىسى – Eurasian Resources Group (ERG). فورۋم ازيا اۋماعىنداعى EFMD-گە مۇشە كورپوراتيۆتىك ۋنيۆەرسيتەتتەر مەن ءبىلىم بەرۋ قۇرىلىمدارى، قىزمەتكەرلەردى وقىتۋ سالاسىندا ەڭبەك ەتەتىن ءبىلىم بەرۋ مەكەمەلەرى مەن قاۋىمداستىقتار اراسىندا قازاقستانداعى العاشقى تاجىريبە الماسۋ الاڭىنا اينالدى.
شارانىڭ ماقساتى – وزىق تاجىريبەلەر، ۇزدىك پراكتيكالار مەن يننوۆاسيالىق ۇستانىمدار الماسۋ مۇمكىندىكتەرىن كەڭەيتۋ. فورۋمعا قاتىسۋشىلار كوشباسشىلىق، كاسىبي ءبىلىم بەرۋ مەن قىزمەتكەرلەردى وقىتۋ ماسەلەرىن كەڭىنەن تالقىلاپ، حالىقارالىق قاۋىمداستىق مويىنداعان وزىق كەيستەرمەن تانىستى.
نەگىزگى سپيكەرلەردىڭ ءبىرى – CLIP كورپوراتيۆتىك ۋنيۆەرسيتەتى اككرەديتاسيادان ءوتۋ باعدارلامالارىنىڭ جەتەكشىسى، EFMD كورپوراتيۆتىك سەرۆيستەرىنىڭ ديرەكتورى، دوكتور مارتين مەرلە. EFMD – الەمنىڭ 88 ەلىندە 890 مۇشەسى بار ەۋروپالىق مەنەدجمەنتتى دامىتۋ قورى. ول مەنەدجمەنت پەن قىزمەتكەرلەردى وقىتۋ سالالارىنداعى جەتەكشى بيزنەس-مەكتەپتەر، ۋنيۆەرسيتەتتەر مەن كورپوراسيالاردى بىرىكتىرگەن. وقىتۋ مەن مەنەدجمەنت سالاسىنداعى وزىق تاجىريبەلەر الماسۋعا ارنالعان جاھاندىق تۇعىرناما دەۋگە بولادى. ول بيزنەستىڭ باسەكەگە قابىلەتتىلىگىن ارتىرۋ ءۇشىن كورپوراتيۆتىك وقىتۋعا حالىقارالىق ستاندارتتاردى ەنگىزۋدىڭ ماڭىزىنا ەرەكشە توقتالدى:
– ءبىز EFMD تاجىريبەسىندە ارىپتەستەر قاۋىمداستىعى كورپوراتيۆتىك وقىتۋ ستاندارتتارىن دامىتا وتىرىپ، كومپانيالاردىڭ ءىسىن جەتىلدىرۋ جولىنا بارىنشا قارقىن بەرە الاتىنىنا تالاي مارتە كوز جەتكىزدىك. ERGء-دىڭ باستاماسى قازاقستانداعى، ءتىپتى ورتا ازياداعى كورپوراتيۆتىك وقىتۋ سالاسىنا تىڭ سەرپىن بەرە الادى دەگەن سەنىمدەمىز،- دەدى مارتين مەرلە.
فورۋمدا ERGء-دىڭ كورپوراتيۆتىك ۋنيۆەرسيتەتى حالىقارالىق سەرتيفيكاسيالاۋ باعدارلامالاردا جۇلدەلى ورىندارعا يە بولعان ءوزىنىڭ ءبىلىم بەرۋ باعدارلامالارىن تانىستىردى. وتكەن جىلى ERGء-دىڭ كورپوراتيۆتىك ۋنيۆەرسيتەتى حالىقارالىق EFMD Excellence in Practice Awards 2024 بايقاۋىنىڭ «كاسىبي ءبىلىم بەرۋ» اتالىمىندا «ۇزدىك» دەپ تانىلعان. ال، بيىل ERGء-دىڭ كورپوراتيۆتىك ۋنيۆەرسيتەتى قازاقستان مەن تمد-دا العاشقى بولىپ EFMD LIFT Learning Impact ستاندارتى بويىنشا سەرتيفيكاتتالدى.
بۇل جۇلدە – ءبىلىم بەرۋ ونىمدەرىن دايارلاۋ مەن ونى باسقارۋداعى جۇمىستىڭ ساپاسى جوعارى، ادىستەمەلەرى مەن ازىرلەمەلەرى تولىققاندى ءارى حالىقارالىق ستاندارتتارعا سايكەس كەلەتىنىن راستادى. سەرتيفيكاتتاۋ بارىسىندا ERG CU تومەندەگى 3 تارتىمدى جوباسىن تانىستىرعان بولاتىن:
- كارەرلەردەگى اۋىر جۇك كولىكتەرىنىڭ جۇرگىزۋشىلەرىن دايارلاۋدا ترەناجەر-سيمۋلياتورلاردى پايدالانۋ؛
- دانەكەرلەۋشى مامانداردى دايارلاۋدا ساندىق، تولىقتىرىلعان شىندىق (AR) تەحنولوگيالارىن كەڭىنەن پايدالانۋ؛
- Strategic Leadership Program (SLP) كوشباسشىلىقتى دامىتۋ باعدارلاماسى.
تكم سالاسىنداعى كورپوراتيۆتىك ۋنيۆەرسيتەتتەر فورۋمى قازاقستان مەن ازيادا وسى كورپوراتيۆتىك ءبىلىم بەرۋ باعىتىندا جۇمىس ىستەپ جۇرگەن قۇرىلىمدار اراسىنداعى ءوزارا سەرىكتەستىكتى نىعايتۋدى كوزدەيدى.
– ءتيىمدى كورپوراتيۆتىك ءبىلىم بەرۋ جۇيەسىن دامىتۋ بارىسىندا ءاردايىم ارىپتەستەرىڭىزبەن ارالاسىپ، پىكىر الماسىپ وتىرۋ ماڭىزدى. ERGء-دىڭ كورپوراتيۆتىك ۋنيۆەرسيتەتى وزگە دە كورپوراتيۆتىك وقىتۋ ورتالىقتارىنىڭ تاجىريبەسىن سىني تۇرعىدان زەردەلەي وتىرىپ، ءوزىنىڭ وزىق ادىستەمەلەرىن اشىق پاش ەتىپ بىرنەشە جىلدا حالىقارالىق دەڭگەيگە ءوستى. بۇل تولايىم تابىسقا ERGء-دىڭ قازاقستاندا كورپوراتيۆتىك وقىتۋ ورتالىقتارىنىڭ قاۋىمداستىعىن قۇرۋ قامىنداعى نوۆاتورلىق باستاماسىنىڭ ارقاسىندا جەتتى. ءوز كەزەگىندە بۇل كاسىبي دامۋدى ۇزدىكسىز جەتىلدىرىپ وتىرۋعا سەپتەسەتىن تۇعىرناماعا اينالا الادى، - دەدى فورۋم ساراپشىلارىنىڭ ءبىرى، ERG كورپوراتيۆتىك ۋنيۆەرسيتەتى عىلىمي كەڭەسىنىڭ تاۋەلسىز مۇشەسى، پروفەسسور ۆالەريي كاتكالو.
– كورپوراتيۆتىك وقىتۋ جۇيەلەرىنىڭ قۋاتى – بيزنەستىڭ سەنىمدى سەرىكتەسى بولا الۋىندا. ول ءۇشىن قازىرگى الەمنىڭ سىن-قاتەرلەرىنە ۋاقىتىلى ءۇن قاتىپ، تيىمدىلىكتى ارتتىرىپ وتىرۋ ماڭىزدى،- دەدى ERG كورپوراتيۆتىك ۋنيۆەرسيتەتىنىڭ ديرەكتورى ۆالەنتينا ساتاروۆا. – ءبىز ERG-دە كورپوراتيۆتىك ءبىلىم بەرۋدىڭ حالىقارالىق ستاندارتتارىن ۇستانىپ، كومپانيانى دامىتۋ ستراتەگياسىن ىلگەرىلەتۋ، ادامدارىمىزعا ينۆەستيسيا قۇيۋ باعىتتارىندا بيزنەسپەن بىرلەسە، جۇمىلا جۇمىس ىستەپ جاتىرمىز. ءبىزدىڭ جولىمىز – دامۋ جولى!
حالىقارالىق فورۋمعا ERGء-دىڭ قازاقستانداعى باس ديرەكتورى سەرىك شاحاجانوۆ تا قاتىسىپ، شارانىڭ ماڭىزىن ەرەكشە اتاپ ايتتى:
– ERGء-دىڭ كورپوراتيۆتىك ۋنيۆەرسيتتەتى – ءبىزدىڭ توپتى دامىتۋدىڭ ستراتەگيالىق قۇرالى. ءبىز تەك ادامداردى دامىتۋ ارقىلى كومپانيا العا ىلگەرىلەي تۇسەرىنە سەنىمدى بولعاندىقتان، ادامدارىمىزدىڭ دامۋىنا تۇراقتى ينۆەستيسيا قۇيىپ كەلەمىز. سوڭعى 2 جىلدا كورپوراتيۆتىك ۋنيۆەرسيتەت ءبىزدىڭ 54 مىڭنان استام قىزمەتكەرىمىزدى وقىتىپ، سيمۋلياتورلار مەن VR-دان باستاپ، وزىق تەحنولوگيالار مەن حالىقارالىق تۇعىرنامالاردى ەنگىزىپ، جاھاندىق دەڭگەيدە مويىندالدى. EFMD Excellence in Practice Awards 2024 بايقاۋىنداعى جەڭىس پەن EFMD LIFT 2025 سەرتيفيكاتىنا يە بولۋىمىز ءبىلىم بەرۋ ساپاسى، بيزنەسكە قاجەتتى شەشىمدەردى تابۋ مەن ونىڭ پايداسى – ءبىزدىڭ ءوز سالامىز بويىنشا ۇزدىك بولۋعا دەگەن تالپىنىسىمىز بەن قولعا العان جۇيەلى جۇمىستىڭ جەمىسى.
ERG قازاقستانداعى كورپوراتيۆتىك ۋنيۆەرسيتەتتەر اراسىندا العاشقى بولىپ تاۋ-كەن مەتاللۋرگيا سالاسى كاسىپورىندارىنىڭ بارىنە ەسىگىن ايقارا اشىپ وتىر. توپ پەرسونالدى دامىتۋعا يننوۆاسيالىق ۇستانىمداردى قولدانىپ قانا قويماي، ستراتەگيالىق كوزقاراس پەن كوشباسشىلىقتىڭ جوعارى دەڭگەيىن پاش ەتىپ كەلەدى.
ERG قازاقستاندا العاشقى بولىپ 6 تاۋ-كەن مەتاللۋرگيا كومپانيالارى اراسىندا زەرتتەۋلەر جۇرگىزىپ، بەنچمارك پەن ساراپتاما بازاسىن قۇردى. وسىلاي تۇرعىرناما قالانىپ، كومپانيا ءوز باستاماسىن كەڭەيتۋگە دايار. ءارى 2025 جىلدان باستاپ كاسىبي قاۋىمداستىق تاراپىنان دا قولداۋ تاۋىپ، زەرتتەۋگە قاتىساتىن كومپانيالار سانى ۇلعايا تۇسەرىنە سەنىمدى.