تەكسەرىلگەن العاشقى نىسان 32 شاقىرىمعا سوزىلعان «سوكولوك» ارناسى بولدى، ول جايىق وزەنىنىڭ ۇلكەن سۋ اعىسىن اتىراۋعا قاراي باعىتتاۋعا ارنالعان.
«سوكولوك» قالانى اينالىپ ءوتىپ، جايىق پەن كاسپيي تەڭىزىن قوسادى جانە سەكۋندىنا 100 تەكشە مەتر سۋ قابىلداي الادى. سونداي-اق ۆيسە-پرەمەر ۇزىندىعى 24 شاقىرىم بولاتىن جاڭا ارنانىڭ جۇمىسىن تەكسەردى.
بۇدان ءارى قانات بوزىمبايەۆ تاۋلىك بويى كەزەكشىلىك ۇيىمداستىرىلعان قالاداعى ءقاۋىپتى ۋچاسكەلەرگە باردى. اتىراۋدى قورعايتىن بوگەتتەردىڭ جالپى ۇزىندىعى – 252 شاقىرىم.
12 مامىردا قالاداعى سۋ دەڭگەيى 1 سم-گە كوتەرىلىپ، 539 سم-گە جەتتى، شەكتىك بەلگى – 550 سم. اتىراۋدا سۋ تاسقىنىنىڭ شارىقتاۋ شەگى شامامەن 4-5 كۇننەن كەيىن بولادى دەپ بولجانىپ وتىر.
وسىعان بايلانىستى ۆيسە-پرەمەر جاعالاۋدىڭ سۋ شايىپ كەتەتىن جەرلەرىندە بوگەتتەردى نىعايتۋدى، اتاپ ايتقاندا ولاردى گەوتەكستيلدەرمەن جانە بەتون بلوكتارمەن نىعايتۋدى تاپسىردى.