الماتى وبلىسىنىڭ 22 جاستاعى تۇرعىنى ەسىرتكى زەرتحاناسىن ۇيىمداستىرعان، بۇعان الماتىنىڭ ەسىرتكى قىلمىسىنا قارسى كۇرەس باسقارماسى قىزمەتكەرلەرىنىڭ دەرەكتەرى دالەل. ول الماتىنىڭ تۇركسىب اۋدانىندا جەكە ءۇيدى جالعا الىپ، سول جەردە سينتەتيكالىق ەسىرتكىنى قايناتقان.
– ءۇيدى ءتىنتۋ كەزىندە 1 كەلى كريستالدى زات، 20-دان استام مەتالل كانيسترلەر، بەلگىلى ءبىر ءيىسى بار ىشىنە سۇيىقتىق قۇيىلعان شىنى بوتەلكەلەر، ورالعان ەسىرتكى قوراپتارى، پايدالانىلعان رەسپيراتورلار، شيكىزاتتى ارالاستىرۋعا بەيىمدەلگەن ەلەكترلى بۇرعى، ەلەكتروندى تارازىلار، ولشەۋىش ستاقان، زەرتحانالىق قۇرال-جابدىقتار تابىلىپ، تاركىلەندى. كۇدىكتى جۇمىس بەرۋشىمەن ينتەرنەت ارقىلى حابارلاسقانىن ايتتى. ساراپتاما قورىتىندىسىنا سايكەس، تاركىلەنگەن زاتتار جالپى سالماعى 4 كەلى 100 گرامم سينتەتيكالىق مەفەدرون ەسىرتكى زاتى. كۇدىكتى قاماۋعا الىندى، – دەدى الماتى قالالىق پوليسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
سونداي-اق پوليسيا، جىل باسىنان بەرى الماتىدا سينتەتيكالىق ەسىرتكى شىعاراتىن 4 زەرتحانانىڭ جويىلعانىن ەسكە سالدى.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى.
ق ر كونستيتۋسياسىنىڭ 77-بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.
اقپارات كوزى Polisia.kz سايتىندا: https://polisia.kz/almatyda-esirtki-zerthanasy-zhojyldy-2/