اتىراۋدا ستۋدەنت قىز قاتارلاسىن اياۋسىز سوققىعا جىعىپ، قىلمىستىق ءىس قوزعالدى، - دەپ حابارلايدى Aqshamnews.kz.
وقيعا قالاداعى ساياباقتاردىڭ بىرىندە بولعان. ۆيدەوسى الەۋمەتتىك جەلىدە تارادى.
جەلىدە تاراعان بەينەجازبادا اق ءتۇستى كوفتا كيگەن قىزدىڭ جەرگە قۇلاعان قاتارلاسىنا جۇدىرىقپەن بىرنەشە رەت سوققى جاساپ، كەيىن باسىنان تەۋىپ جاتقان ءساتى انىق كورىنەدى.
پوليسيا تۇسىنىكتەمە بەردى
اتىراۋ وبلىستىق پوليسيا دەپارتامەنتى كۇدىكتى قىزدىڭ ۇستالعانىن حابارلادى. ول ءقازىر كامەلەتكە تولماعانداردى بەيىمدەۋ ورتالىعىنا جەتكىزىلگەن.
"بارلىق قاتىسۋشى پروفيلاكتيكالىق ەسەپكە الىنادى. ماتەريالدار كامەلەتكە تولماعاندار ءىسى جونىندەگى كوميسسياعا جولداندى. سونداي-اق، بالالاردى تاربيەلەۋدە مىندەتتەرىن دۇرىس ورىنداماعانى ءۇشىن كامەلەتكە تولماعانداردىڭ اتا-انالارى اكىمشىلىك جاۋاپكەرشىلىككە تارتىلىپ جاتىر"، - دەپ مالىمدەدى پوليسيا.
ۆەدومستۆو وقيعانى ۆيدەوعا ءتۇسىرىپ، الەۋمەتتىك جەلىگە جۇكتەپ، ءبىراق پوليسياعا حابارلاماعان جاسوسپىرىمگە دە قۇقىقتىق باعا بەرىلەتىنىن اتاپ ءوتتى.
جابىرلەنۋشىگە كومەك كورسەتىلدى
بالالاردىڭ قۇقىقتارىن قورعاۋ كوميتەتى زارداپ شەككەن قىزدىڭ اۋرۋحاناعا جەتكىزىلگەنىن حابارلادى. دارىگەرلەر وعان قاجەتتى مەديسينالىق كومەك كورسەتىپ، كەيىن ۇيىنە جىبەرگەن. قىزعا قوسىمشا پسيحولوگيالىق قولداۋ ۇيىمداستىرىلادى.
كوميتەتتىڭ مالىمەتىنشە، كوللەدج تاراپىنان دا جۇمىس جۇرگىزىلىپ جاتىر: اتا-انالارمەن جانە ستۋدەنتتەرمەن اڭگىمەلەر وتكىزىلگەن، وبلىستىق ءبىلىم باسقارماسى جاعدايدى تەكسەرىپ، ارنايى بۇيرىق شىعارعان. ايماقتىق بالالار ومبۋدسمەنى دە وقيعا ورنىنا بارىپ، جاعدايدى باقىلاۋدا ۇستاپ وتىر.