سارىشاياننان زارداپ شەككەندەرگە مەديسينالىق كومەك كورسەتىلدى
اتىراۋ قالاسىندا سارىشايان شاققان 23 ادام "جەدەل جاردەم" قىزمەتىنە جۇگىنگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
وبلىستىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمەتىنە سۇيەنسەك، قازان ايى باستالعالى بەرى 103 قىزمەتىنە 23 شاقىرتۋ تۇسكەن.
«جەدەل جاردەمگە 1-19 قازان ارالىعىندا اتىراۋ قالاسىنداعى شاعىن اۋدانداردا جەكە ۇيلەردە تۇراتىن تۇرعىندار شاعىمدانعان. سارىشاياننان زارداپ شەككەندەرگە "جەدەل جاردەم" بريگاداسى العاشقى مەديسينالىق كومەك كورسەتىلدى. شاعىمدانۋشىنىڭ جاعدايىنا بايلانىستى ستاسيونارلارلىق ەمدەۋگە جاتقىزۋ جۇرگىزىلەدى. ادەتتە، مۇنداي جاندىكتەن زارداپ شەككەندەر دارىگەرلەردىڭ امبۋلاتورلىق باقىلاۋىندا بولادى»، - دەپ حابارلادى باسقارمانىڭ باسپا ءسوز قىزمەتى.
ءقازىر وبلىستىق بالالار اۋرۋحاناسى مەن وبلىستىق اۋرۋحاناعا سارىشاياندار شاققان ناۋقاستار تۇسپەگەن. ەسكە سالا كەتەلىك، بۇدان بۇرىن اتىراۋدا جەكە ۇيلەردىڭ اۋلاسىن سارىشايان قاپتاعان بولاتىن.