«قازگيدرومەت» رمك 2021 جىلعى قاراشا - 2022 جىلعى ناۋرىز ايلارىنا كونسۋلتاتيۆتىك ماۋسىمدىق اۋا رايى بولجامىن جاريالادى، دەپ حابارلايدى almaty-akshamy.kz
قاراشا - كۇزدەن قىسقا بىرتىندەپ اۋىسۋ كەزەڭى. ايدىڭ ءبىرىنشى جارتىسى جىلى بولادى دەپ بولجانىپ وتىر. قازاقستاننىڭ سولتۇستىك جارتىسىندا اۋا تەمپەراتۋراسى تۇندە -3+2°س-تان -8-13°س-قا دەيىن، كۇندىز +3+10°س-تان -2+3°س-قا دەيىن اۋىتقۋى مۇمكىن.
رەسپۋبليكانىڭ سولتۇستىگىندە، سولتۇستىك-باتىسىندا، شىعىسىندا جانە ورتالىعىندا ەكپىندى جەل سوعىپ، جاۋىن-شاشىن (كوبىنەسە قار تۇرىندە) بولادى، ونكۇندىكتىڭ سوڭىندا جيىلەيدى. كوكتايعاق پەن تۇمان ءبىر اي بويى ءجيى بايقالادى. ايدىڭ ەكىنشى جارتىسىنىڭ ەڭ سۋىق كۇندەرىندە تەرمومەتر باعاناسى تۇندە -17-25°س-قا دەيىن، كۇندىز -8-13°س-قا دەيىن، ال ەلىمىزدىڭ شىعىسىندا تۇندە -30°س-قا دەيىن، كۇندىز -18°س-قا دەيىن تومەندەيدى.
ەلىمىزدىڭ باتىسى، وڭتۇستىگى مەن وڭتۇستىك-شىعىسىندا جاۋىن-شاشىن بولادى، جاڭبىر ارالاس قار جاۋادى. ەڭ جىلى كۇندەرى ايدىڭ ءبىرىنشى جارتىسىندا بولجانادى، كۇندىز اۋا تەمپەراتۋراسى +10+18°C-قا دەيىن جوعارىلاۋى مۇمكىن، الايدا قاراشانىڭ ەكىنشى جارتىسىندا تەمپەراتۋرا فونى تۇندە -5-17°C، كۇندىز -2-7°C-قا دەيىن تومەندەيدى. ءۇشىنشى ونكۇندىكتە كۇن قايتادان جىلىنادى.
قازاقستاندا 2021-2022 جىلدار ارالىعىندا قىس كليماتتىق نورماعا جۋىق بولادى دەپ بولجانادى. جەلتوقساندا cولتۇستىك ايماقتاردا قارلى بوراندى كۇندەر كوپ بولادى، ال وڭتۇستىك ايماقتاردا تۇمان مەن كوكتايعاق ءجيى بايقالادى. جەلتوقسان ايىندا جاۋىن-شاشىن مولشەرى رەسپۋبليكانىڭ باسىم بولىگىندە نورمادان از، ەلىمىزدىڭ سولتۇستىك جارتىسى مەن شىعىسىندا نورما شاماسىندا، ق ر قيىر سولتۇستىگىندە نورمادان كوپ بولادى دەپ بولجانادى.
قاڭتار - جىلدىڭ ەڭ سۋىق ايى، ويتكەنى موڭعوليا ايماعىنان انتيسيكلونىنىڭ اسەرى كۇشەيە تۇسەدى. تۇنگى ۋاقىتتا تەرمومەتر باعانى ق ر سولتۇستىك جارتىسىندا -35-40°س-قا دەيىن، وڭتۇستىگىندە -22-30°س-قا دەيىن تومەندەۋى مۇمكىن. ورتاشا ايلىق اۋا تەمپەراتۋراسى رەسپۋبليكا اۋماعىنىڭ باسىم بولىگىندە نورمادان 1-2° تومەن، ەلىمىزدىڭ قيىر باتىسىندا، وڭتۇستىك-باتىسىندا، سولتۇستىگىندە، وڭتۇستىگىندە جانە وڭتۇستىك-شىعىسىندا نورما شاماسىندا بولادى.
رەسپۋبليكا بويىنشا جاۋىن-شاشىن مولشەرى كوپ جىلدىق نورمادان از، ەلىمىزدىڭ قيىر سولتۇستىك-باتىسىندا، سولتۇستىك-شىعىسىندا جانە الماتى وبلىسىنىڭ وڭتۇستىك-شىعىسىندا - نورما شاماسىندا بولجانادى.
اقپان قىس مەزگىلىن اياقتايدى، ءبىراق ونىڭ كليماتتىق سيپاتتارى مەن اينالىم ەرەكشەلىكتەرى قاڭتارعا وتە جاقىن. قار مەن بوران، ادەتتە، قازاقستاننىڭ سولتۇستىك جارتىسىندا ساقتالادى. ورتاشا ايلىق اۋا تەمپەراتۋراسى ق ر اۋماعىنىڭ باسىم بولىگىندە نورما شاماسىندا، رەسپۋبليكانىڭ وڭتۇستىك-شىعىسىندا نورمادان 1° جوعارى بولادى دەپ بولجانۋدا.
جاۋىن-شاشىن رەسپۋبليكانىڭ باسىم بولىگىندە نورما شاماسىندا، ەلىمىزدىڭ وڭتۇستىك-باتىس جارتىسىندا، ورتالىق قازاقستاننىڭ باتىسىندا نورمادان از، رەسپۋبليكامىزدىڭ وڭتۇستىگى مەن وڭتۇستىك-شىعىسىنىڭ تاۋلى جانە تاۋ بوكتەرىندەگى اۋداندارىندا نورمادان كوپ بولجانادى.
قازاقستاننىڭ وڭتۇستىگى ءۇشىن ناۋرىز - ادەتتەگى كوكتەم ايى، ال سولتۇستىك وبلىستاردا قىس ءالى دە جالعاسۋدا. ناۋرىزدا اۋا رايى قاتتى وزگەرەدى. ناۋرىز ايى اۋا تەمپەراتۋراسىنىڭ كۇرت اۋىتقۋىمەن جانە ءجيى جاۋىن-شاشىننىڭ جاۋۋىمەن سيپاتتالادى.
بولجام بويىنشا كوكتەمنىڭ العاشقى ايى سۋىق بولادى. قازاقستان اۋماعىنىڭ باسىم بولىگىندە ورتاشا ايلىق اۋا تەمپەراتۋراسى نورمادان 1-2° تومەن، ال قر-نىڭ قيىر باتىسىندا نورما شاماسىندا بولادى دەپ كۇتىلۋدە.
ناۋرىزدا جاۋىن-شاشىن مولشەرى رەسپۋبليكانىڭ سولتۇستىك جارتىسىندا جانە قيىر وڭتۇستىگىندە، وڭتۇستىك-شىعىسىندا نورما شاماسىندا، ەلدىڭ وڭتۇستىك جارتىسىندا نورمادان از بولادى دەپ بولجانادى.