«تۇركىستان – تۇركى دۇنيەسىنىڭ رۋحاني استاناسى» اتتى جيىن ءوتتى
بۇل - تۇركىستاننىڭ تەك قازاقستان ەمەس، ورتا ازيانىڭ ءىرى تۋريستىك ورتالىعىنا اينالۋىنا سەپتىگىن تيگىزەدى. جان-جاقتى دامىپ كەلە جاتقان تۇركىستانعا تۇركيالىق تۋريزم كومپانيالارى دا ينۆەستيسيا قۇيۋعا مۇددەلى، دەپ حابارلايدى Almaty-akshamy.kz
ىستامبۇل قالاسىندا قازاقستان ەلشىلىگى مەن تۇركىستان وبلىسى اكىمدىگى ۇيىمداستىرعان «تۇركىستان – تۇركى دۇنيەسىنىڭ رۋحاني استاناسى» اتتى جيىندا ەكى ەلدىڭ تۋريزم باعىتىنداعى كاسىپكەرلەرى باس قوستى. بۇعان دەيىن دە "تۇركىستان" حالىقارالىق اۋەجايى، "كەرۋەن ساراي" تۋريستىك كەشەنى سياقتى ءىرى جوبالارعا ينۆەستيسيا قۇيعان تۇركيالىق كومپانيالار وسى باعىتتاعى جۇمىستارىن جالعاستىرماق نيەتتە. فورۋمعا جينالعاندارعا تۇركىستاننىڭ تۋريزم الەۋەتى تانىستىرىلىپ، ەلىمىزدە ينۆەستورلارعا جاسالىپ وتىرعان قولايلى كليمات جايلى جان-جاقتى ماعۇلمات بەرىلدى.
«تۇركىستاننىڭ جىل وتكەن سايىن تۇرلەنىپ، دامىپ كەلە جاتقانىن بايقاپ وتىرمىز. كاسىپكەر رەتىندە باۋىرلاس ەلدە جۇمىس ىستەۋ ءبىز ءۇشىن دە قولايلى. قازاقستاننىڭ تۋريزم الەۋەتى وتە جوعارى. وسى باعىتتا ارىپتەستىك ورناتۋ ءۇشىن بىرنەشە كومپانيامەن كەلىسسوزدەر جۇرگىزىپ جاتىرمىز. الداعى كۇندەرى تۇركىستانعا بارىپ، ناقتى جوسپارلار قۇرۋعا نيەتتىمىز»، - دەيدى تۇركيالىق كاسىپكەر ايشەن تۇركمەن.
«ءبىزدىڭ ماقساتىمىز - تۇركى الەمىندەگى ءوزىمىزدىڭ باۋىرلاس ەلدەرگە ساياحات جاساي وتىرىپ، وسى ەلدىڭ تۋريستىك كومپانيالارىمەن جانە ينۆەستورلارمەن كەزدەسۋ ارقىلى بولاشاقتا تۇركىستان قالاسىندا تۋريستەر سانىن ارتىرۋى ماقساتىندا كەلىپ وتىرمىز. بىرنەشە كومپانيالار كەلىپ جاتىر، ءبىزدىڭ تاراپتان دا اۋە كومپانيالاردىڭ وكىلدەرى، تۋريستىك كومپانيالاردىڭ وكىلدەرى كەلىپ وتىر. بۇنىڭ بارلىعى وسى تۋريستىك كومپانيالارمەن كەلىسىم-شارتقا وتىرىپ، تۇركيالىق تۋريستەردى تۇركىستان وڭىرىنە تارتادى دەگەن نيەتتەمىز»، - دەيدى تۇركىستان وبلىسى تۋريزم باسقارماسىنىڭ ءبولىم باسشىسى نۇرداۋلەت مەدەۋوۆ.