پوليسيانىڭ سەرۆيستىك مودەلى ەنگىزىلگەن
اتىراۋدا جىل باسىنان بەرى كامەرامەن كومەگىمەن 111 قىلمىس اشىلعان، دەپ حابارلايدى Almaty-akshamy.kz قازاقپارات-قا سىلتەمە جاساپ.
وبلىستىق پوليسيا دەپارتامەنتىنىڭ شتاب باسقارماسى باستىعىنىڭ ورىنباسارى، پوليسيا پودپولكوۆنيگى التىنبەك قايىرلييەۆتىڭ ايتۋىنشا، اتىراۋ قالاسىنىڭ اۋماعىندا 3 507 بەينەباقىلاۋ كامەراسى ورناتىلعان. ونىڭ ىشىندە 759-ى جەدەل باسقارۋ ورتالىعىنا تيەسىلى بولسا، «سەرگەك» جەلىسىندە 1 997، ال، «ينتەگراسيا» جۇيەسىندە 750 كامەرا بار.
«بەينەكامەرالار كولىك قوزعالىسىنىڭ ءجۇرىسىن جەدەل باقىلاپ، ءقاۋىپتى جاعدايلاردىڭ الدىن الۋعا، قۇقىق بۇزۋشىلىقتىڭ ءىزىن سۋىتپاي انىقتاۋعا ىقپال ەتەدى. كوشەدەگى كامەرالاردىڭ پوليسيا جۇمىسىنىڭ تيىمدىلىگىنىڭ ارتتىرۋعا، ءتۇرلى قىلمىستىڭ جەدەل اشىلۋىنا تيگىزەر كومەگى زور. ماسەلەن، جىل باسىنان بەرى جەدەل باسقارۋ ورتالىعىنىڭ بەينەباقىلاۋ كەزەكشى-ينسپەكتورلارى 111 قىلمىستى اشكەرەلەدى. ال، جىلىوي اۋدانىندا 2 قىلمىس «ءىزى سۋىماي» اشىلدى»، -دەيدى التىنبەك قايىرلييەۆ.
ونىڭ مالىمەتىنە سۇيەنسەك، جىل باسىنان بەرى اتالعان كامەرالاردىڭ كومەگىمەن 8 671 اكىمشىلىك قۇقىق بۇزۋشىلىق انىقتالعان. قۇقىق بۇزۋشىلىقتىڭ 7 522ء-سى اتىراۋ قالاسىنىڭ اۋماعىندا، 1 149-ى جىلىوي اۋدانىندا تىركەلگەن.
بيىل اتىراۋ وبلىسىندا «102» وپەراتورىنا 42 260 قوڭىراۋ تۇسكەن.
ەسكە سالا كەتەلىك، بۇعان دەيىن اتىراۋ وبلىسىندا پوليسيانىڭ سەرۆيستىك مودەلى ەنگىزىلگەن.