Toyota Ipsum كولىگى مەن كاماز جۇك كولىگى سوقتىعىسقان.
اتىراۋدا جول اپاتىنان 4 ادام قايتىس بولدى، دەپ حابارلايدى اlmaty-akshamy.kz.
Polisia.kz حابارلاۋىنشا، 20 مامىر دوسسور-قۇلسارى-بەينەۋ تاس جولىنىڭ 133 شاقىرىمىندا Toyota Ipsum كولىگى مەن كاماز جۇك كولىگى سوقتىعىسقان. سالدارىنان Toyota ورتەنىپ كەتكەن، جۇرگىزۋشىسى مەن 3 جولاۋشىسى قازا تاپقان. ەكى جولاۋشى ءتۇرلى دەنە جاراقاتتارىمەن اۋرۋحاناعا جەتكىزىلگەن.
تەرگەپ-تەكسەرۋ باستالدى.
«قازا تاپقانداردىڭ جەكە باسىن انىقتاۋ جۇمىستارى جۇرگىزىلىپ جاتىر. ازىرگە تەك وزبەكستان ەلىنىڭ ازاماتتارى ەكەندىگى عانا بەلگىلى. Toyota كولىگىنىڭ جۇرگىزۋشىسىنە جىل باسىنان بەرى 10 حاتتاما تولتىرىلعان. 8 حاتتاما جول قوزعالىسى كەزىندە جىلدامدىقتى شامادان تىس اسىرعانى جانە ەكى حاتتاما قاۋىپسىزدىك بەلدىگىن تاقپاعانى ءۇشىن تولتىرىلعانى بەلگىلى بولدى»، - دەدى اتىراۋ وبلىسى پد جانىنداعى پاترۋلدىك پوليسيا روتاسىنىڭ كومانديرى ادىلبەك شاحمەتوۆ.