ايەل كىشكەنتاي نارەستەسىن ساتىپ الاتىن ادام ىزدەگەن.
اتىراۋدا 32 جاستاعى ايەل بالاسىن ساتتى دەگەن كۇدىككە ءىلىندى، دەپ حابارلايدى اlmaty-akshamy.kz
پوليسيا دەپارتامەنتىنىڭ اقپاراتىنا قاراعاندا، كۇدىكتى ايەل باتىس قازاقستان وبلىسىنان كەلگەن. جاسى – 32-دە.
كۇدىكتى كىشكەنتاي نارەستەسىن ساتىپ الاتىن ادام ىزدەگەن. ال، اكەسىنە بالانىڭ قايتىس بولعانىن ايتقان.
ءسويتىپ، بالا ساتىپ العىسى كەلگەن ەكى ادامدى تاپقان. كوبىرەك اقشا ۇسىنعان ادامعا بالاسىن ۇستاتىپ جىبەرگەن.
«ءقازىر كۇدىكتى ايەلگە قاتىستى قىلمىستىق ءىس قوزعالدى. ق ر قىلمىستىق كودەكسىنىڭ 135-بابىنىڭ 2-بولىگىنىڭ 2-تارماعىمەن سوتقا دەيىنگى تەرگەۋ ءجۇرىپ جاتىر. كۇدىكتى ايەل مەن بالاسىنا سوت-بيولوگيالىق ساراپتاما تاعايىندالدى. بالا ساتۋعا بايلانىستى كۋاگەرلەردەن جاۋاپ الىندى»، -دەپ حابارلادى دەپارتامەنتتىڭ باسپا ءسوز قىزمەتى.
وزگە اقپارات، ق ر قىلمىستىق-پروسەستىك كودەكسىنىڭ 201-بابىنا سايكەس، جاريالاۋعا جاتپايدى.