ءدۇبىرلى دوداعا 28 ەلدەن 218 سپورتشى قاتىسۋدا.
قازاقستاندىق كونكيمەن جۇگىرۋشى الينا داۋرانوۆا گەرمانيانىڭ ينسەل قالاسىندا ءوتىپ جاتقان جاسوسپىرىمدەر اراسىنداعى الەم كۋبوگىنىڭ فينالىندا التىن مەدال جەڭىپ الدى، دەپ حابارلايدى اlmaty-akshamy.kz
مادەنيەت جانە سپورت مينيسترلىگىنىڭ مالىمەتىنشە، سپورتشى 1000 مەتر قاشىقتىقتى 1 مينۋت 17،98 سەكۋندتا ءجۇرىپ ءوتتى. بۇل ناتيجە وعان ءبىرىنشى ورىنعا شىعۋعا مۇمكىندىك بەردى.
نيدەرلاندىدان كەلگەن سپورتشى پەن حەرسمان كۇمىس مەدال يەلەندى، ال يتالياندىق سەرەنا پاركەر ۇشتىكتى تۇيىندەدى.
«بۇدان بولەك، الينا داۋرانوۆا 1000 مەتر قاشىقتىقتا جالپى ەسەپتە جەڭىمپاز اتاندى. ءدال وسى قاشىقتىقتا جالپى ەسەپتە قازاقستاندىق نيكيتا ۆاجەنين ۇزدىك ناتيجە كورسەتتى»، - دەپ جازدى ۆەدومستۆودان.
ايتا كەتەيىك، جارىسقا 28 ەلدەن 218 سپورتشى قاتىسۋدا.
كونكيمەن جۇگىرۋدەن جاسوسپىرىمدەر اراسىنداعى الەم كۋبوگى بۇگىن اياقتالادى.