45 تونناعا جۋىق ينەرتتى ماتەريال توسەلدى.
الماتى وبلىسىنىڭ جيدەلى اۋىلدىق وكرۋگىندە سۋ تاسقىنىنا قارسى ءىس-شارالار جۇرگىزۋ جۇمىستارى جالعاسىپ جاتىر. قازىرگى ۋاقىتتا سۋ باسۋ ءقاۋپى جويىلدى، دەپ حابارلايدى اlmaty-akshamy.kz تجم سايتىنا سىلتەمە جاساپ.
الماتى وبلىسى تجد، جەرگىلىكتى اتقارۋشى ورگاندار جانە مەردىگەر ۇيىم ءۇيىندى بوگەت سالۋ جانە سۋارۋ ارناسىن مەحانيكالاندىرىلعان تاسىلمەن تازارتۋ جۇمىستارىن جۇرگىزىپ جاتىر. بۇگىنگى تاڭدا 45 تونناعا جۋىق ينەرتتى ماتەريال توسەلگەن، سۋ ءجۇرۋ ءقاۋپى جوق.
وسى جۇمىستارعا تجد، جەرگىلىكتى اتقارۋشى ورگاندار مەن مەردىگەر ۇيىمنىڭ 25 قىزمەتكەرى مەن 7 تەحنيكاسى جۇمىلدىرىلدى.
الماتى وبلىسى تجد باسپا ءسوز قىزمەتىنىڭ مالىمەتىنشە، 1 اقپانداعى شولۋ كەزىندە بالقاش اۋدانى جيدەلى اۋىلدىق وكرۋگى اۋماعىنداعى بايمەنەي اعىنىنىڭ بالقاش كولىنە قۇياتىن جەرىندە مۇز كەپتەلىپ قالعان. كانالدىڭ ەنى – 5-6 مەتر، تەرەڭدىگى – 4 مەتر، سۋ اعىنى – سەكۋندىنا 0،4 تەكشە مەتر. سونىڭ سالدارىنان بايمەنەي وزەنىنەن بولىنەتىن سۋارۋ كانالىندا سۋ دەڭگەيى كوتەرىلىپ، جيدەلى اۋىلدىق وكرۋگىن سۋ باسۋ ءقاۋپى تۋىندادى. اتالعان اۋىلدىق وكرۋگتە 293 جەكە تۇرعىن ءۇي بار، وندا 1 330 تۇرعىن تۇرادى.
