20-22 ماۋسىمدا قازاقستاندا 9 جانە 11-سىنىپ تۇلەكتەرىنە سەرتيفيكات تاپسىرىلدى. دەگەنمەن مۇنداي ساتكە ءبارى قۋانباعان سياقتى. سەبەبى قازنەتتە مەكتەپ تۇلەكتەرى اتتەستاتىن قوقىس جاشىگىنە لاقتىرىپ جاتقان ۆيدەو پايدا بولدى، دەپ حابارلايدى Almaty-akshamy.kz.
قازاقستاندىقتار تۇلەكتەردىڭ بۇل ارەكەتىن الەۋمەتتىك جەلىدە قىزۋ تالقىلاپ جاتىر. كەيبىرەۋلەر مۇنداي مىنەز-قۇلىقتى اقتاۋعا تىرىسادى، ال باسقالارى ولاردى ايىپتاپ الەك.
ۆيدەونى جاريالاعان ادام وقيعا قاي جەردە بولعانىن ناقتى كورسەتپەدى.
وقۋ-اعارتۋ مينيسترلىگى ۆيدەوعا رەاكسيا ءبىلدىرىپ، بۇگiندە وسى ۆيدەوعا قاتىسقان تۇلەكتەر انىقتالىپ جاتقانىن ايتتى، دەپ جازدى Zakon.kz.
«ءبىلىم بولىمدەرىنە مۇنداي فاكتىلەردىڭ الدىن الۋ ءۇشىن وقۋشىلار مەن مەكتەپ تۇلەكتەرىنە، اتا-انالار قاۋىمىنا ءتۇسىندىرۋ جۇرگىزۋ جونىندە ۇسىنىستار بەرىلدى»، -دەيدى وقۋ-اعارتۋ مينيسترلىگى باسپا ءسوز حاتشىسى مەرەكە نۇرمۇحانوۆا.