داۋىستى 2GIS ءموبيلدى قوسىمشاسىندا ناۆيگاتور باپتاۋلارىنا ءوتىپ تاڭداۋعا بولادى.
2GIS باعىتتى قازاقشاعا داۋىستايتىن فۋنكسيا قوستى. ونى ءموبيلدى قوسىمشانىڭ باپتاۋىنان قوسۋعا بولادى. بۇل تۋرالى Almaty-akshamy.kz Dropbox.kz-كە سىلتەمە جاساي وتىرىپ حابارلايدى.
2GIS بيىل ءساۋىر ايىندا گەوسەرۆيستەر اراسىندا ءبىرىنشى بولىپ قازاق تىلىنە اۋدارىلعان كارتانى جانە ۇيىمداردى ىزدەۋدى ىسكە قوستى. ەندى قوسىمشاعا قازاقشا داۋىستار قوسىلدى.
«2GISء-تىڭ العاشقى قازاق داۋىستارى كاسىبي الماتىلىق ديكتورلار بيبىگۇل كەرىموۆا مەن ەرلانبي داۋلەتيار بولدى. ولار ەڭ كەلىستى ينتوناسيالار مەن ءتىپتى ادەتتەگىدەن «جاندى» سويلەۋ ستيلىندەگى فرازالار نۇسقاسىن ۇسىندى. ادەتتەگىدەي، ءبىزدىڭ ناۆيگاتورىمىزدىڭ سوزدەرى ادەمى، قىسقا دا نۇسقا، تىم كىتاپ تىلىندەي ەمەس، تابيعي قازاق تىلىنە جاقىنىراق بولعانىن قالايمىز»، — دەدى 2GIS پروديۋسەرى جانە رەداكتورى رومان جايۆورون.
ونىڭ ايتۋىنشا، قازاقشا داۋىستىق باعىتتاۋدى كەز كەلگەن مارشرۋت كەزىندەقوسۋعا بولادى. داۋىستى 2GIS ءموبيلدى قوسىمشاسىندا ناۆيگاتور باپتاۋلارىن باسىپ تاڭداۋعا بولادى.
ايتا كەتەيىك، ءساۋىر ايىنان باستاپ 2GIS-تە قازاق تىلىنە اۋدارىلعان كارتالار جانە ۇيىمداردى ىزدەۋگە بولادى. ەندى سەرۆيستە دۇكەندەردى، ءدارىحانالاردى، قوعامدىق تاماقتانۋ ورىندارىن، مادەني مەكەمەلەردى، كورىكتى جەرلەردى جانە باسقا دا ورىنداردى قازاقشا ىزدەۋگە بولادى.
بۇل رەتتە قوسىمشادا تاڭدالعان ءتىل مەن ناۆيگاتوردىڭ داۋسى بىر-بىرىنە تاۋەلدى ەمەس. مىسالى، قوسىمشادا جالپى ورىس ءتىلى تاڭدالسا دا، داۋىستىق كەڭەستەردى قازاق تىلىندە قوسۋعا بولادى.