اتوم ەنەرگەتيكاسى جاھاندىق دەڭگەيدە ەنەرگياعا دەگەن سۇرانىستى قاناعاتتاندىرۋدا شەشۋشى ءرول اتقارادى. سوڭعى 50 جىلدا اتوم ەنەرگەتيكاسى ارقىلى 60 گت-دان استام سو2 قالدىعىنىڭ ءبولىنۋى بولدىرماۋعا كومەكتەستى. بۇل بۇكىل جاھاندىق ەنەرگەتيكالىق سەكتوردىڭ ەكى جىلدىق قالدىقتارىنا تەڭ.
قاۋىپسىزدىك جانە سەنىمدىلىك: ماگاتە حالىقارالىق قاۋىپسىزدىك ستاندارتتارىن قامتاماسىز ەتۋ ماقساتىندا تاۋەكەلدەردى بارىنشا ازايتۋ ءۇشىن بەلسەندى قولداۋ كورسەتىپ وتىر. سونىڭ ارقاسىندا اەس اناعۇرلىم سەنىمدى قوندىرعى بولىپ سانالادى.
الەمدىك ستاتيستيكا جانە قۇرىلىس: قازىرگى تاڭدا الەمنىڭ 31 ەلىندە 415 يادرولىق ەنەرگەتيكالىق رەاكتور جۇمىس ىستەيدى. جۇڭگو، ءۇندىستان جانە رەسەي سەكىلدى كوپتەگەن ەلدەر كليماتتىڭ وزگەرۋىمەن كۇرەسۋ، تۇراقتى دامۋدى قامتاماسىز ەتۋ، ەنەرگەتيكالىق تاۋەلسىزدىكتى نىعايتۋ جانە كومىرتەگى شىعارىندىلارىن ازايتۋ ماقساتىندا جاڭا اتوم ەلەكتر ستانسيالارىن بەلسەندى تۇردە سالىپ جاتىر.
تەحنولوگيالاردىڭ ەۆوليۋسياسى: بۇگىندە نەگىزگى ءۇردىس — زاماناۋي جانە اناعۇرلىم ءقاۋىپسىز III/III+ بۋىندى رەاكتورلارعا كوشۋ، ال I بۋىنداعى ەسكى رەاكتورلار پايدالانۋدان شىعارىلۋدا.
اەس-تىڭ ەكولوگيا مەن دەنساۋلىققا اسەرى: اتوم ەلەكتر ستانسيالارى قازىرگى تاڭدا كوپتەگەن ەلدەردىڭ ەنەرگەتيكالىق ينفراقۇرىلىمىنىڭ اجىراماس بولىگىنە اينالعان.
سۋ رەسۋرستارى جانە ەكوجۇيە: سۋ قويمالارىنىڭ جانىندا اەس سالۋ ارقىلى سۋ رەسۋرستارىن ءتيىمدى پايدالانۋ مۇمكىن بولادى. اتوم ستانسيالارى تابيعي بۋلانۋدان تەك 0،32% كولەمىندە عانا سۋ پايدالانادى، بۇل ەكوجۇيەنىڭ جاعدايىن جاقسارتۋعا دا ىقپال ەتەدى.
قورشاعان ورتانى قورعاۋ: اەس پارنيك گازدارىنىڭ اۋاعا تارالۋىن ايتارلىقتاي ازايتادى: كومىر ستانسيالارىمەن سالىستىرعاندا 135 ەسە، گاز ستانسيالارىمەن سالىستىرعاندا 73 ەسە تومەن. قازاقستان پاريج كەلىسىمىنىڭ تالاپتارىنا سايكەس، 2030 جىلعا قاراي كومىرمەن جۇمىس ىستەيتىن جىلۋ ەلەكتر ورتالىقتارىن سو2 شىعارمايتىن اتوم ستانسيالارىمەن الماستىرا وتىرىپ، پارنيك گازدار قالدىعىن 15%-عا ازايتۋدى جوسپارلاپ وتىر.
حالىقتىڭ قاۋىپسىزدىگى: قازىرگى زامانعى III جانە III+ بۋىندى رەاكتورلار ىشكى جانە سىرتقى قاۋىپتەردەن قورعاۋعا ارنالعان بەلسەندى جانە ءپاسسيۆتى قاۋىپسىزدىك جۇيەلەرىمەن جابدىقتالعان. بۇل ستانسيالار ەرەكشە ءتوزىمدى كونسترۋكسيالارعا يە، ولاردىڭ قورعانىس كۇمبەزى تابيعي اپاتتارعا، سونىڭ ىشىندە 8 باللعا دەيىنگى جەر سىلكىنىستەرىنە توتەپ بەرە الادى.
حالىقارالىق ارىپتەستىك جانە ستاندارتتار: قازاقستاندا اەس سالۋ جانە پايدالانۋ جوباسى ماگاتە ازىرلەگەن حالىقارالىق ستاندارتتارعا سايكەس جۇزەگە اسىرىلادى، بۇل قاۋىپسىزدىكتىڭ جوعارى دەڭگەيىن قامتاماسىز ەتەدى. الەمنىڭ 31-دەن استام ەلىندە اەس سالىنىپ، جۇمىس ىستەپ جاتقانى مۇنداي نىسانداردىڭ جوعارى سۇرانىسقا يە ەكەنىن جانە ءقاۋىپسىز ەكەندىگىن ناقتىلاي تۇسەدى.
اەس — ءداستۇرلى ەنەرگەتيكالىق شەشىمدەرگە قارسى ەكولوگيالىق جانە ورنىقتى بالاما. ول سۋ رەسۋرستارىنا قىسىمدى تومەندەتەدى جانە پارنيك گازداردىڭ ءبولىنۋىن ازايتۋعا كومەكتەسەدى.