اەس سالۋدى قولداۋ جونىندەگى حالىقتىق شتابتىڭ قازاقستان حالىق پارتياسىنىڭ جاستار قاناتى ءماجىلىس دەپۋتاتى يسلام سۇڭقارمەن كەزدەسۋىندە اەس قۇرىلىسىنىڭ ماڭىزى مەن اتوم ەنەرگەتيكاسىنىڭ ارتىقشىلىقتارى تالقىلاندى.
كەزدەسۋگە جوو ستۋدەنتتەرى مەن قحپ جاستار قاناتىنىڭ وكىلدەرى قاتىستى. ءماجىلىس دەپۋتاتى ەلىمىزدەگى ەلەكتر ەنەرگياسىنىڭ تاپشىلىعىن ايتىپ، اەس-تىڭ قاجەتتىلىگىن ءتۇسىندىردى. 2023 جىلى قازاقستان رەسەيدەن ەلەكتر ەنەرگياسىن ەكى ەسە قىمبات باعامەن يمپورتتاعانىن اتاپ ءوتتى. بۇل، اسىرەسە، تۇتىنۋشىلار مەن بيزنەسكە زيانىن تيگىزگەنىن ايتتى.
كەزدەسۋ بارىسىندا اتوم ەنەرگەتيكاسىنىڭ ەكولوگيالىق تيىمدىلىگى مەن الەمدىك تاجىريبەسى تالقىلانىپ، اەس سالۋ ەلىمىزدىڭ ەنەرگەتيكالىق تاۋەلسىزدىگىن نىعايتىپ، جاڭا جۇمىس ورىندارىن اشاتىنى ايتىلدى. جاستار تاراپىنان قويىلعان سۇراقتار نەگىزىندە كيبەرقاۋىپسىزدىك، كادر دايارلاۋ جانە اەس-تىڭ قورعالۋى تۋرالى ماسەلەلەر قوزعالدى. يسلام سۇڭقار اەس قۇرىلىسى حالىقارالىق باقىلاۋدا بولاتىنىن جانە قازاقستاندا بىلىكتى مامانداردىڭ جەتكىلىكتى ەكەنىن اتاپ ءوتتى. جاستار رەفەرەندۋمعا بەلسەندى قاتىسىپ، ءوز تاڭداۋىن جاساۋدىڭ ماڭىزدىلىعىن ايتتى.