ماۋلەن اشىمبايەۆ باستاعان اەس سالۋدى قولداۋ جونىندەگى حالىقتىق شتابتىڭ الماتى قالاسىنداعى كەزدەسۋىندە ەنەرگەتيكالىق قاۋىپسىزدىك پەن اەس قۇرىلىسىنىڭ ماڭىزى تالقىلاندى. شتاب قۇرامىندا دەپۋتاتتار، ساراپشىلار، قوعام قايراتكەرلەرى، سونداي-اق قازاقستان حالقى اسسامبلەياسىنىڭ وكىلدەرى بولدى.
ماۋلەن اشىمبايەۆ مەملەكەت باسشىسى باستاماشى بولعان اەس سالۋعا قاتىستى رەسپۋبليكالىق رەفەرەندۋمنىڭ ەلدىڭ دامۋى ءۇشىن ماڭىزدى قادام ەكەنىن اتاپ ءوتتى. ونىڭ ايتۋىنشا، ەلەكتر ەنەرگياسىنا دەگەن سۇرانىس ارتىپ كەلەدى، بۇل – الەمدىك ءۇردىس. سوندىقتان ەلەكتر ەنەرگياسى كوزدەرىن ءارتاراپتاندىرۋ قازاقستان ءۇشىن وتە وزەكتى بولىپ وتىر.
اەس سالۋ ستراتەگيالىق مانگە يە، ويتكەنى ەلەكتر قۋاتىن تۇراقتى تۇردە ءوندىرۋ ەلدىڭ ەكونوميكاسى مەن دامۋىنا جاڭا سەرپىن بەرىپ، ەنەرگەتيكالىق تاۋەلسىزدىكتى قامتاماسىز ەتەدى. سونىمەن قاتار اتوم ەنەرگەتيكاسى عىلىمدى قاجەت ەتەتىن سالا بولعاندىقتان، ول جوعارى بىلىكتى ماماندار دايارلاۋعا، يننوۆاسيالاردى وندىرىسكە ەنگىزۋگە جانە ەكونوميكانى دامىتۋعا ىقپال ەتەتىنىن ايتتى.
اەس قۇرىلىسى مىڭداعان جاڭا جۇمىس ورنىن اشۋعا مۇمكىندىك بەرىپ، باسقا دا سالالاردا قوسىمشا جۇمىس ورىندارىن قامتاماسىز ەتەتىن مۋلتيپليكاتيۆتى اسەرگە يە.
كەزدەسۋلەر بارىسىندا رەفەرەندۋمعا قاتىسۋشىلاردىڭ داۋىسى شەشۋشى ءرول اتقاراتىنى جانە بۇل قادام ەلدىڭ دامۋىنا جاڭا باعىت بەرەتىنىن ەرەكشە اتاپ ءوتتى.