بۇل كەزدەسۋلەردە شتاب وكىلدەرى اتوم ەلەكتر ستانساسىنىڭ (اەس) قازاقستان ەكونوميكاسىن دامىتۋعا اسەرى تۋرالى ناقتى اقپارات بەرىپ، ونىڭ ستراتەگيالىق ماڭىزدىلىعىن اتاپ ءوتتى.
اقپاراتتىق ناۋقان بارىسىندا اەس سالۋدى قولداۋ جونىندەگى شتاب وكىلدەرى «جايىقجىلۋقۋات»، «باتىس سۋ ارناسى»، «جايىق تازا قالا» جانە جەدەل جاردەم ستانساسى سياقتى جەتەكشى كاسىپورىنداردىڭ ەڭبەك ۇجىمدارىمەن كەزدەستى.
كەزدەسۋلەردە ايتىلعان نەگىزگى ماسەلەلەر:
- ەكونوميكالىق دامۋ جانە جۇمىس ورىندارى: اەس قۇرىلىسىنان باستاپ جاڭا جۇمىس ورىندارى اشىلىپ، ءوڭىردىڭ ەكونوميكالىق دامۋىنا سەرپىن بەرەدى.
- ەنەرگەتيكالىق تاۋەلسىزدىك: اەس ەلىمىزدىڭ تۇراقتى، سەنىمدى ەنەرگيامەن قامتاماسىز ەتىلۋىنە جانە سىرتقى تاۋەلدىلىكتى ازايتۋعا ىقپال ەتەدى.
- ەكولوگيالىق قاۋىپسىزدىك: زاماناۋي تەحنولوگيالار مەن حالىقارالىق ستاندارتتار قولدانىلىپ، قورشاعان ورتاعا زيان تيگىزبەۋ ماسەلەسىنە ەرەكشە نازار اۋدارىلادى.
كەزدەسۋ بارىسىندا قىزمەتكەرلەر بەلسەندى پىكىر ءبىلدىرىپ، ءتۇرلى سۇراقتار قويدى. حالىقتىق شتابتىڭ بۇل كەزدەسۋلەرى قوعامدا اەس سالۋعا قاتىستى اشىق ديالوگتى قامتاماسىز ەتۋگە باعىتتالعان.