ەلىمىزدەگى ەنەرگەتيكالىق تاۋەلسىزدىكتى قامتاماسىز ەتۋدىڭ ماڭىزدى ماسەلەسى رەتىندە اتوم ەلەكتر ستانسياسىن (اەس) سالۋدىڭ قاجەتتىلىگىن ەرەكشە اتاپ وتكىم كەلەدى.
الەمدىك كوشباسشى ەلدەر ونداعان جىلدار بويى بەيبىت اتوم ەنەرگياسىن قولدانىپ كەلەدى. اتوم ەلەكتر ستانسيالارى تازا جانە سەنىمدى ەنەرگيا كوزى بولىپ تابىلادى. بۇل — قازاقستاننىڭ ەنەرگەتيكالىق قاۋىپسىزدىگىن نىعايتۋعا، كومىرسۋتەك رەسۋرستارىنا تاۋەلدىلىكتى ازايتۋعا جانە ەكولوگيالىق قاۋىپسىزدىكتى قامتاماسىز ەتۋگە زور مۇمكىندىك، دەپ حابارلايدى aqshamnews.kz.
كومىر گەنەراسياسى ارقىلى الىنعان ەنەرگياعا كومىرتەگى سالىعى ەنگىزىلۋى مۇمكىن، بۇل قازاقستاندىق تاۋارلاردىڭ باسەكەگە قابىلەتتىلىگىن تومەندەتۋى ىقتيمال. وسى سەبەپتى بىزگە ەلدىڭ دامۋىنىڭ كەپىلى بولاتىن تازا جانە سەنىمدى ەنەرگيا كوزى قاجەت. اەس — ءدال سونداي ەنەرگيا كوزى.
اتوم ەنەرگەتيكاسى ارقىلى ەلىمىزدە عىلىم مەن تەحنولوگيالار سالاسى دامىپ، جاڭا مۇمكىندىكتەر اشىلادى.
قۇرمەتتى ازاماتتار! الداعى قازان ايىندا وتەتىن رەسپۋبليكالىق رەفەرەندۋمعا بەلسەندى قاتىسىپ، ەلىمىزدىڭ ەنەرگەتيكالىق بولاشاعىن بىرگە تاڭداۋعا شاقىرامىن. بۇل — ءبىزدىڭ ورتاق جاۋاپكەرشىلىگىمىز جانە ەلىمىزدىڭ تۇراقتى دامۋىنا قوساتىن ۇلەسىمىز.
مۇقاش زۇلقارناي ۇلى، ق ر پارلامەنتى ءماجىلىسىنىڭ دەپۋتاتى